ەۋروپالىق وداققا مۇشە 27 ەل كوروناۆيرۋسقا قارسى جالپى العاندا 1 ملرد استام سيفرلىق قاۋىپسىزدىك سەرتيفيكاتىن شىعاردى
بۇل ساندى ەۋروپالىق كوميسسيانىڭ باسشىسى ۋرسۋلا فون دەر ليايەن ايتىپ ءوتتى، دەپ حابارلايدى Almaty-akshamy.kz
«ەۋروپالىق وداق سەرتيفيكاتى – 60 ەل مەن ايماقتى قامتيتىن الەمدىك ستاندارت. بۇل ەو جانە ونىڭ سىرتىندا ءقاۋىپسىز ساياحاتتاۋعا مۇمكىندىك بەرەدى»، - دەدى ۋ.ليايەن Twitter جەلىسى ارقىلى. سەيسەنبى كۇنى ەۋروكوميسسيا Covid-19 ۆيرۋسىنا قارسى ۆاكسينانىڭ سيفرلىق سەرتيفيكاتى 270 كۇنگە (9 اي) جارامدى بولاتىنىن قاراستىراتىن ەرەجەلەردى بەكىتتى.
قاتىسۋشى ەلدەر كوۆيد-سەرتيفيكاتتارى يەلەرىنىڭ بۇكىل وداق اۋماعىندا ەركىن ساياحاتتاۋى ءۇشىن بۇعان ىڭعايلانۋى ءتيىس.
سەرتيفكات جارامدىلىعىنىڭ مەرزىمى ەۋروپانىڭ اۋرۋلاردىڭ الدىن الۋ جانە قاداعالاۋ ورتالىعى ۇسىنعان كەڭەستەر نەگىزىندە ورناتىلعان. ادام COVID-19 ۆيرۋسىن قارسى ۆاكسينالاۋدىڭ باستاپقى كۋرسى اياقتالعاننان كەيىن التى اي وتكەن سوڭ ۆاكسينانىڭ بۋستەرلىك دوزاسىن الۋى ءتيىس. بۇل مەرزىمگە تاعى ءۇش اي قوسىلعان.
جاڭا ءتارتىپ 2022 جىلدىڭ 1 اقپانىنان باستاپ كۇشىنە ەنەدى. 9 ايلىق مەرزىم سوڭعى دوزانى العاننان باستاپ ەسەپتەلەدى.
سيفرلىق كوۆيد-سەرتيفيكاتىنىڭ توعىز ايلىق مەرزىمى قاتارداعى ەۋروپالىقتارعا ساياحاتتاي الاتىنىنا سەنىمدى بولۋىنا ارنالعان. قازىرگى كەزدە ەو-عا مۇشە ەلدەردىڭ مىندەتى – ادامدارعا ۆاكسينانىڭ «بۋستەرلىك» دوزاسىن الۋ مۇمكىندىگىن جەدەل قامتاماسىز ەتۋ.
سيفرلىق قاۋىپسىزدىك سەرتيفيكاتى – ادام كوروناۆيرۋسقا قارسى ەكپە العانىن، اۋرۋدان جازىلعانىن نەمەسە پتر تەرىس ناتيجەسىن كورسەتەتىن قۇجات.