نورماتيۆتىك قۇقىقتىق اكتىلەردىڭ جوبالارى: الماتىدا ستاسيونارلىق ەمەس ساۋدا نىساندارىن ورنالاستىرۋ ورىندارى قاراستىرىلۋدا
الماتى قالاسىنىڭ كاسىپكەرلىك جانە ينۆەستيسيالار باسقارماسى «قازاقستان رەسپۋبليكاسىنداعى جەرگىلىكتى مەملەكەتتىك باسقارۋ جانە ءوزىن-وزى باسقارۋ تۋرالى» قازاقستان رەسپۋبليكاسى زاڭىنىڭ 27-بابى 1-تارماعىنىڭ 4-4) تارماقشاسىنا سايكەس، «ىشكى ساۋدا قاعيدالارىنا» سايكەس الماتى قالاسى اكىمدىگىنىڭ «الماتى قالاسىندا ستاسيونارلىق ەمەس ساۋدا نىساندارىنىڭ ورنالاسۋ ورنىن انىقتاۋ جانە بەكىتۋ تۋرالى» قاۋلىسىنىڭ جوباسىن ازىرلەدى.
جوباعا سايكەس 157 ستاسيونارلىق ەمەس ساۋدا نىساندارىن (سەسن) ورنالاستىرۋ ءۇشىن 142 ورىن بەكىتىلدى. قابىلدانعان شارالار ستيحيالىق ساۋدانىڭ ۇلەسىن ازايتىپ، زاڭسىز ورنالاسقان ساۋدا نىساندارىنا بايلانىستى جەرگىلىكتى اتقارۋشى ورگاندارعا ءوتىنىش جىبەرەتىن تۇرعىندار اراسىنداعى الەۋمەتتىك شيەلەنىستى تومەندەتۋگە مۇمكىندىك بەرەدى. باسقارما سونىمەن قاتار جەرگىلىكتى اتقارۋشى ورگاندار بەلگىلەگەن ورىنداردان تىس جەردە ساۋدا جاساۋ قازاقستان رەسپۋبليكاسىنىڭ اكىمشىلىك قۇقىق بۇزۋشىلىق تۋرالى 204 بابى بويىنشا اكىمشىلىك جاۋاپكەرشىلىككە اكەلەتىنىن ەسكەرتەدى.
ەستەرىڭىزگە سالا كەتەيىك، بيىل قاڭتار ايىندا الماتى قالاسى اكىمدىگىنىڭ قاۋلىسىمەن العاش رەت «الماتى قالاسىندا جانە قالا ماڭىنداعى اۋداندا ستاسيونارلىق ەمەس ساۋدا وبەكتىلەرىن ورناتۋ قاعيدالارى» بەكىتىلگەن بولاتىن. ەرەجەلەر ستاسيونارلىق ەمەس بولشەك ساۋدا نىسانىنىڭ سىرتقى تۇرىنە قويىلاتىن تالاپتاردى بەلگىلەيدى.
وسىلايشا ستاسيونارلىق ەمەس ساۋدا نىسانىنىڭ الدىن الا جوباسى اۋماقتىڭ ساۋلەتتىك-كوركەمدىك كەلبەتى مەن ەستەتيكالىق سيپاتتامالارىن ساقتاي وتىرىپ ازىرلەنۋى كەرەك. قولدانىلاتىن جابدىقتىڭ ءتۇرى، ونىڭ ءپىشىنى، پارامەترلەرى (ولشەمدەرى)، پروپورسيالارى، ماسشتابى قاسبەتتەردىڭ ءتۇس سحەماسىنا جانە وبەكتىنىڭ ستيلىنە، سونداي-اق قورشاعان عيماراتتاردىڭ ساۋلەتتىك جانە قالا قۇرىلىسى شەشىمىنە سايكەس كەلۋى كەرەك. تەحنولوگيالىق مۇمكىندىك بولسا، شارۋاشىلىق جۇرگىزۋشى سۋبەكت ينجەنەرلىك جەلىلەرگە قوسىلۋى كەرەك.
سونىمەن قاتار، 2022 جىلى دەپارتامەنت 500-دەن استام زاڭسىز ورناتىلعان سەسن-نى انىقتاپ، بۇگىندە ونىڭ 382ء-سى بولشەكتەلگەن.
كوگالداندىرۋ ەرەجەلەرىن ساقتاماي، قالا قۇرىلىسى، سانيتارلىق-ەپيدەميولوگيالىق جانە ءورت قاۋىپسىزدىگى نورمالارىن بۇزا وتىرىپ، زاڭسىز نىساندار تروتۋارلار مەن جول جيەكتەرىنە ورنالاستىرىلعان.