قاراجات كولەمى شامامەن 13 ملرد تەڭگەنى قۇرايدى
2023 جىلعى قاڭتاردا ەلىمىزدە كولىك الۋعا جەڭىلدىكپەن تومەن پايىزبەن نەسيە بەرۋ باستالادى. بۇل تۋرالى قازاقستاننىڭ دامۋ بانكىنىڭ باسپا ءسوز قىزمەتى ءمالىم ەتتى، دەپ حابارلايدى Almaty-akshamy.kz.
«2023 جىلدان باستاپ بارلىق قولدانىستاعى باعدارلامالار بويىنشا شارتتار ءوزارا ۇيلەستىرىلەدى. ورتالىقتاندىرىلعان باقىلاۋدى قامتاماسىز ەتۋ ءۇشىن بۇدان ءارى باعدارلاما بويىنشا قاراجاتتىڭ ءبىر عانا وپەراتورى رەتىندە دامۋ بانكىن قالدىرۋ كوزدەلەدى. قازىرگى ۋاقىتتا باعدارلامالارعا قاتىساتىن ەكىنشى دەڭگەيلى بانكتەر قولدانىستاعى كرەديتتەردى وتەۋدەن تۇسەتىن تولەمدەردى جيناقتاۋ پروسەسىن جۇزەگە اسىرىپ جاتىر. ريەۆولۆەرلىك تەتىك نەگىزىندە جەڭىلدىكپەن قارىز بەرۋدى باستاۋ 2023 جىلعى قاڭتاردىڭ ەكىنشى جارتىسىنا قاراي جوسپارلانىپ وتىر»، - دەلىنگەن قدب مالىمەتىندە.
سول كەزدە ەكى باعدارلاما بويىنشا جيناقتالعان قاراجات كولەمى شامامەن 13 ملرد تەڭگەنى قۇرايدى. بۇل كەمىندە 1300 جاڭا نەسيە بقلۋگە مۇمكىندىك بەرەدى. بولاشاقتا ريەۆولۆەرلىك ادىسپەن جيناقتالعان قاراجاتتى ءبولۋدى اي سايىن ىسكە اسىرۋ جوسپارلانىپ وتىر.