اۋعانستاندا تالىپتەر بيلىككە ورالعاننان كەيىن پاكىستاندا لاڭكەستىك شابۋىلدار سانى كۇرت ءوستى
پاكىستاندا دجاميات ۋلەما يسلام-فازل (JUI-F) يسلام پارتياسىنىڭ سايلاۋالدى ميتينگى كەزىندە بولعان جارىلىستان كەم دەگەندە 44 ادام قازا تاپتى. شابۋىلدى ەلدەگى جاعدايدى تۇراقسىزداندىرۋعا تىرىساتىن جيھادشىلار توبى ۇيىمداستىرعان بولۋى مۇمكىن، دەپ حابارلايدى Almaty-akshamy.kz BBC Russian-عا سىلتەمە جاساپ.
ءتۇرلى اقپارات كوزدەرىنە سۇيەنسەك، زارداپ شەككەندەردىڭ سانى 200-گە جۋىق بولۋى مۇمكىن. الايدا، اۋداندى قورشاپ العان قاۋىپسىزدىك قىزمەتى شابۋىل قۇرباندارى ودان دا كوپ بولۋى مۇمكىن دەپ ەسكەرتەدى، ويتكەنى ميتينگكە 500-گە جۋىق ادام قاتىستى.
جاڭالىقتاردان جەدەل جاردەم كولىكتەرىنىڭ جارالىلاردى جەرگىلىكتى اۋرۋحاناعا تاسىپ جاتقان كادرلارى كورسەتىلدى. اسىرەسە اۋىر جاراقات العاندار تىكۇشاقتارمەن پەشاۆار قالاسىنداعى كلينيكاعا جەتكىزىلەدى.
جەرگىلىكتى اۋرۋحانادا زارداپ شەككەندەردى قابىلداۋعا توسەك-ورىن دا، دارىگەرلەر دە جەتىسپەيدى، ولاردىڭ كەيبىرەۋلەرى دالىزدە كومەك كۇتۋدە.
ەلدەگى بيلىكتىڭ ايتۋىنشا، جارىلىستان JUI-Fء-تىڭ ايماقتىق جەتەكشىسى ماۋلان زياۋللا دا قايتىس بولدى، ويتكەنى جارىلىس ول جاقتاستارىنا ءسوز سويلەپ تۇرعان ساتتە بولدى.
JUI-Fء-ىرى ءدىني ساياسي پارتيا جانە پاكىستان پارلامەنتىندەگى ۇكىمەتتىك كواليسيانىڭ قۇرامىنا كىرەدى. حار قالاسىنداعى ميتينگ وسى جىلدىڭ كۇزىندە وتەتىن ەلدەگى جالپى پارلامەنتتىك سايلاۋ قارساڭىندا ۇيىمداستىرىلدى.
پاكىستان اۋماعىندا جۇمىس ىستەيتىن ەكسترەميستىك توپتاردىڭ ەشقايسىسى جارىلىس ءۇشىن جاۋاپكەرشىلىكتى ءوز موينىنا العان جوق.
جاقىن ماڭداعى اۋعانستاندا تالىپتەر بيلىككە ورالعاننان كەيىن پاكىستاندا لاڭكەستىك شابۋىلدار سانى كۇرت ءوستى. اسكەريلەر سودىرلار اۋعانستاندا ورنالاسقان، سول جەردەن پاكىستان تەرريتورياسىنا شابۋىل جاسايدى دەيدى.