نيگەريانىڭ 12 ازاماتى قازاقستاندا زاڭسىز جۇمىس ىستەگەن.
پوليسەيلەر ولاردى قالاداعى حوستەلدەردەن تاپتى، دەپ حابارلايدى Almaty-akshamy.kz.
– قر-نىڭ كوشى-قون زاڭناماسىن ساقتاۋ بويىنشا رەيدتەر قۇقىق بۇزۋشىلىقتىڭ الدىن الۋعا جانە زاڭسىز كوشى-قون ارنالارىن انىقتاۋعا باعىتتالعان. ءبىر اپتا ىشىندە باسقا ەلدەردىڭ 50 ازاماتى جانە كورشىلەس ەلدەردىڭ 165 ازاماتى اكىمشىلىك جاۋاپكەرشىلىككە تارتىلدى. 104 شەتەل ازاماتى قۇجاتتارىنىڭ بولماۋىنا بايلانىستى قابىلداپ-تاراتۋعا ورنالاستىرىلدى. تاعى 22 شەتەل ازاماتى قازاقستان رەسپۋبليكاسىنان شىعارىلدى. سونىمەن قاتار 54 جەكە جانە زاڭدى تۇلعا، ونىڭ ىشىندە برازيليانىڭ 2 ازاماتىن زاڭسىز جۇمىسقا تارتقان فيرمالاردىڭ ءبىرىنىڭ باسشىلىعى اكىمشىلىك جاۋاپكەرشىلىككە تارتىلدى، – دەدى الماتى قالاسى پد كوشى-قون قىزمەتى باسقارماسىنىڭ باستىعى اسحات بۋتۋنچينوۆ.
رەيدتىك ءىس-شارالاردىڭ ماقساتى – قوعامدىق ءتارتىپتى ساقتاۋ، قازاقستان رەسپۋبليكاسىندا بولۋ ەرەجەلەرىن بۇزۋ دەرەكتەرىن جانە شەتەلدىكتەردى زاڭسىز جۇمىسقا ورنالاستىرۋ دەرەكتەرىن انىقتاۋ، سونداي-اق شەتەل ازاماتتارى تاراپىنان قىلمىستار مەن قۇقىق بۇزۋشىلىقتاردىڭ الدىن الۋ.