قازا بولعاندار اراسىندا 630 بالا مەن 340 ايەل بار
پاكىستاندا ماۋسىم ايىنىڭ ورتاسىندا باستالعان مۋسسون جاڭبىرى مەن سۋ تاسقىنى سالدارىنان قازا تاپقانداردىڭ جالپى سانى 1695 ادامعا جەتتى، تاعى 12865 ادام جاراقات الدى. بۇل تۋرالى پاكىستاننىڭ تابيعي اپاتتاردى باسقارۋ ۇلتتىق باسقارماسى (NDMA) مالىمدەدى، دەپ حابارلايدى Almaty-akshamy.kz BAQ.KZ اگەنتتىگىنە سىلتەمە جاساپ.
NDMA ەسەبىنە سايكەس، تابيعي اپات سالدارىنان قازا بولعاندار اراسىندا 630 بالا مەن 340 ايەل بار.
بارىنەن دە وڭتۇستىكتەگى سيند پروۆينسياسى قاتتى زارداپ شەككەن. وندا قازا بولعاندار سانى 759 ادامعا جەتتى. وڭتۇستىك-باتىستاعى بەلۋدجيستان جانە سولتۇستىك-باتىستاعى حايبەر-پاحتۋنحۆادا سايكەسىنشە 336 جانە 307 ادام قازا تاپتى.
بۇدان بولەك، پاكىستاننىڭ ءتۇرلى ايماقتارىندا 2 045 349 ءۇي قيراپ، 1 162 122 باس مال قىرىلعان.
سۋ تاسقىنىنان 84 وكرۋگ پەن 33 046 329 ادام زارداپ شەكتى. جاۋىن-شاشىن ماۋسىمى باستالعالى بەرى 13 مىڭنان استام شاقىرىم جول مەن 440 كوپىر زاقىمدانعان.