اننا دانيلينا چەحياداعى جارىستىڭ شيرەك فينالىنا شىقتى

قازاقستاندىق-برازيليالىق جۇپ 6:2، 6:4 ەسەبىمەن جەڭىسكە جەتتى

قازاقستاننىڭ جۇپتىق سىنداعى ءبىرىنشى، الەمنىڭ 21-راكەتكاسى اننا دانيلينا وستراۆا (چەحيا) WTA 500 ءتۋرنيرىنىڭ شيرەك فينالىنا شىقتى، دەپ حابارلايدى Almaty-akshamy.kz قازاقپاراتقا سىلتەمە جاساپ.

جارىستىڭ ەكىنشى راكەتكاسى بولىپ تىركەلگەن ا.دانيلينا برازيليالىق بەاتريس حادداد ماييامەن بىرگە باستاپقى كەزدەسۋىن چەحيالىق رەناتا ۆوراچوۆا – قىتايلىق سيۋ ۆانمەن وتكىزدى.

قازاقستاندىق-برازيليالىق جۇپ 6:2، 6:4 ەسەبىمەن جەڭىسكە جەتتى.
ءبىر ساعاتتان ءسال استام ۋاقىتقا سوزىلعان ماچتا اننا مەن بەاتريس 3 ەيس جاساپ، 12 برەيك-پوينتتىڭ بەسەۋىن ءوز ەسەپتەرىنە جازدى. قارسىلاس جۇپ 2 برەيكپەن عانا كوزگە ءتۇستى.

قازاقستاندىق-برازيليالىق دۋەت جارتىلاي فينالعا شىعۋ ءۇشىن چەحيالىقتار نيكولا بارتۋنكوۆا – باربورا پاليسوۆامەن تالاسادى.

ەسكە سالا كەتەيىك، بۇدان بۇرىن ەلەنا رىباكينانىڭ چەحيادا الەمنىڭ 17-راكەتكاسىن جەڭگەنىن جازعان بولاتىنبىز.

سونداي-اق Astana Open ATP 500 تۋرنيرىندە الەمنىڭ ءبىرىنشى راكەتكاسى جەڭىلىپ قالدى.
كارەن حاچانوۆ استاناعا تەننيس جۇلدىزدارى جينالعانىن ايتتى.

تەننيسشى تيموفەي سكاتوۆ يتالياداعى ءتۋرنيردى جەڭىسپەن باستادى.
Astana Open ATP 500 تۋرنيرىندە الەكساندر بۋبليك 15 ەيس جاساپ، ەكىنشى اينالىمعا شىقتى.