جانىبەك ءالىمحان ۇلى جەڭىسكە جەتەتىنىنە قازىردەن-اق سەنىمدى
12 قاراشادا دۇنيەجۇزىلىك بوكس ۇيىمىنىڭ (WBO) ورتا سالماق ساناتىنداعى چەمپيونى جانىبەك ءالىمحان ۇلى لاس-ۆەگاستا بريتانيالىق دەنزەل بەنتليمەن (17-1-1،14 كو) كەزدەسەدى، دەپ حابارلايدى Almaty-akshamy.kz BAQ.KZ-كە سىلتەمە جاساپ.
جانىبەك ءالىمحان ۇلى جەڭىسكە جەتەتىنىنە قازىردەن-اق سەنىمدى. ول جەكپە-جەك الدىندا الەۋمەتتىك جەلى كومەگىمەن مالىمدەمە جاسادى.
«ۆەگاستا كەزدەسكەنشە! كوزىلدىرىك تاعا كەل، ويتكەنى مەن رينگتە جارقىرايتىن بولامىن»، – دەپ جازدى كاسىپقوي بوكسشى Instagram-داعى پاراقشاسىندا.
ەسكە سالساق، ورتا سالماقتىلاردىڭ رەيتينگىندە 14-ورىندا تۇرعان دەنزەل بەنتلي جانىبەك ءالىمحان ۇلى التىن بەلبەۋدى يەلەنگەن بەتتە ونى جەكپە-جەككە شاقىرعان ەدى. قانداسىمىز ونىڭ بۇل ۇسىنىسىن قابىلدادى.