پاكىستاننىڭ كاراچي قالاسىندا تۇرىپ جاتقان 300 قازاق كومەك سۇراپ، قازاقستان پرەزيدەنتى قاسىم-جومارت توقايەۆقا بەينەۇندەۋ جولدادى، دەپ حابارلايدى aqshamnews.kz
ۇندەۋدى ءماجىلىس دەپۋتاتى ەرلان سايىروۆ Instagram پاراقشاسىنا جاريالادى.
ۆيدەودان قازاقستان تۋى ىلىنگەن بولمەدە ءبىر توپ ادام وتىرعانىن كورۋگە بولادى. كوپشىلىك ورتاسىندا وتىرعان ءبىر ەر ازامات ۇندەۋدى وقىپ شىقتى.
"قۇرمەتتى قازاق ەلى، ءبىز تارىداي شاشىلعان قازاقتىڭ ءبىر بولشەگىمىز. ءبىز 5 جىل بۇرىن اۋعانستاننان اۋىپ، پاكىستانعا كەلگەنبىز. قىرىق وتباسى – 300 قازاق بارمىز. 180-نەن اسا بالا-شاعا بار. قولىمىزدا ەشقانداي كۋالىك، پاسپورت جوق. پاكىستان ۇكىمەتى 30 تامىزدا ءبىزدى جەر اۋدارماقشى. نە ىستەرىمىزدى بىلمەي وتىرمىز. ءبىزدى الىپ كەتىڭىزدەرشى پاكىستاننان"، – دەيدى پاكىستاننىڭ كاراچي قالاسىندا تۇراتىن قازاق ازاماتى.