شىمكەنت قالاسىنىڭ قىلمىستىق ىستەر جونىندەگى اۋدانارالىق سوتىنىڭ ۇكىمىمەن قارجىلىق پيراميدا قۇرۋ جانە وعان باسشىلىق ەتۋمەن «پايىزسىز باسپانا» تۇرعىن ءۇي ۇيىمىنىڭ باسشىسى مەن قىزمەتكەرلەرى 3 جىلدان 6 جىلعا دەيىنگى مەرزىمگە باس بوستاندىعىنان ايىرۋ جازاسىنا كەسىلدى، دەپ حابارلايدى aqshamnews.kz.
سوت تالقىلاۋى بارىسىندا سوتتالۋشىلار شىمكەنت، الماتى، استانا قالالارىندا 2019-2021 جىلدارى ارالىعىندا «ينستاگرام» الەۋمەتتىك جەلىسى ارقىلى اقشا سالىمشىلاردى تارتىپ، تومەن باعامەن باسپانا ۇسىنۋعا ۋادە بەرگەن.
قىلمىستىق سحەماعا سايكەس بۇدان ءارى سالىمشىلاردىڭ قاراجاتىنا وزدەرىنىڭ قاجەتتىلىگى ءۇشىن جىلجىمالى جانە جىلجىمايتىن مۇلىكتەر العاندارى انىقتالدى، 134 جابىرلەنۋشىگە 171 ملن تەڭگەدەن استامكولەمدە زالال كەلتىرىلگەن.
سوت ۇكىمى زاڭدى كۇشىنە ەنگەن جوق.
شىمكەنت قالاسىنىڭ تۇرعاندارى جانە قوناقتارىنىڭ نازارىنا قانداي دا ءبىر تۇرعىن ءۇي ۇيىمىنا جارنا جانە قارجىلىق پيراميداعااقشا سالۋ ۇسىنىلعان جاعدايدا ساق بولۋلارىڭىزدى سۇرايمىز.
«پايىزسىز باسپانا» قارجىلىق پيراميداسىن ۇيىمداستىرۋشىلارى سوتتالدى
- اۆتور aqshamnews.kz
- 17:20، 03 قازان 2024
سۋرەت: Astanatv.kz