بيىل شىلدە ايىنان باستاپ ءىىم بەلگىلى ءبىر قۇقىقتىق مارتەبەسى جوق، جەكە باسىن كۋالاندىراتىن قۇجاتسىز جۇرگەن ادامداردى انىقتاۋ جانە ولارعا كومەك كورسەتۋ بويىنشا جۇمىس جۇرگىزىپ كەلەدى.
نەگىزىنەن بۇل ساناتقا بەلگىلى ءبىر تۇرعىلىقتى جەرى جوق، شالعاي جەرلەر مەن شارۋا قوجالىقتارىندا تۇراتىن، قۇقىقتىق ساۋاتتىلىقتىڭ تومەندىگىنە جانە دەنساۋلىعىنا بايلانىستى ءوز بەتىنشە جۇگىنۋگە مۇمكىندىگى جوق ادامدار جاتادى، دەپ حابارلايدى aqshamnews.kz Polisia.kz-كە سىلتەمە جاساپ.
جىل سوڭىنا دەيىن جالعاساتىن ناۋقاندى ءىىم كوشى-قون قىزمەتى كوميتەتى مەن ونىڭ اۋماقتىق بولىنىستەرى بىرىككەن ۇلتتار ۇيىمىنىڭ بوسقىندار ءىسى جونىندەگى جوعارعى كوميسسارى باسقارماسىنىڭ جانە ءبىرقاتار ۇكىمەتتىك ەمەس ۇيىمداردىڭ كومەگىمەن جۇرگىزۋدە. بۇگىنگى تاڭدا ەل بويىنشا قۇجاتتارى جوق 404 ادام انىقتالدى، ونىڭ 200ء-ى قازاقستان رەسپۋبليكاسىنىڭ ازاماتتارى، ال 14ء-ى ازاماتتىعى جوق ادامدار بولىپ تانىلدى. قالعاندارىنىڭ قۇقىقتىق مارتەبەسى تەكسەرىلۋدە.
– ەگەر قۇجاتتارى جوق ادامدار تۋرالى بىلسەڭىز، كوشى-قون قىزمەتىنە تۇرعىلىقتى جەر بويىنشا حابارلاسۋدى سۇرايمىز. ولارعا قۇقىقتىق كومەك كورسەتۋ ءۇشىن ءاربىر ايماقتا جاۋاپتى قىزمەتكەر بەكىتىلگەن. سونداي-اق قوسىمشا اقپارات الۋ ءۇشىن ءىىم كوشى-قون قىزمەتى كوميتەتىنە مىنا نومىرلەر ارقىلى جۇگىنۋگە بولادى: +7 701 171 82 28، +7 717 72 40 73 جانە 71 44 10، – دەدى ۆەدومستۆودا.