«ءوزىن-وزى تانۋ» ساباعىن باعدارلامالار تىزىمىنەن الىپ تاستاۋ ۇسىنىستارى تۇسۋدە
ق ر ءبىلىم جانە عىلىم مينيسترلىگى «ءوزىن-وزى تانۋ» پانىنە قاتىستى مينيسترلىك وكىلدەرىنىڭ كوزقاراسى تۋرالى ءمالىم ەتتى، دەپ حابارلايدى Almaty-akshamy.kz قازاقپاراتقا سىلتەمە جاساپ.
مينيسترلىكتىڭ باسپا ءسوز قىزمەتىنىڭ حابارلاۋىنشا، ءبىلىم جانە عىلىم مينيسترلىگىنە بۇل ءپاندى ءبىلىم باعدارلامالارى تىزىمىنەن شىعارۋ تۋرالى ۇسىنىستار كەلىپ ءتۇسىپ جاتقانى راس.
قازىرگى ۋاقىتتا ق ر بعم ۇلتتىق ءبىلىم اكادەمياسى اتالعان مىندەتتى ءپاندى مەكتەپتەردە كەلەسى وقۋ جىلىنان باستاپ فاكۋلتاتيۆتىك ساناتقا اۋىستىرۋ بويىنشا جوبا ەنگىزدى. ياعني، قىركۇيەكتەن باستاپ «ءوزىن-وزى تانۋ» ءپانىن بۇرىنعىداي 1-11 سىنىپتار ەمەس، تەك ءبىر سىنىپتا عانا وقۋشىلاردىڭ تاڭداۋى بويىنشا وقىتۋ جوسپارلانىپ جاتىر.
«ءپاندى فاكۋلتاتيۆتىك تىزبەگە اۋىستىرۋ بويىنشا جۇمىس وقۋ باعدارلامالارىن جاڭارتۋ جانە ءبىلىم الۋشىلاردىڭ وقۋ جۇكتەمەسىن ازايتۋ جونىندەگى شارالار شەڭبەرىندە جۇرگىزىلەتىن بولادى»، - دەلىنگەن مينيسترلىكتىڭ حابارلاماسىندا.