يربيس تىكۇشاق ۇلگىسىندەگى ۇشقىشسىز ۇشاق ەلىمىزدە العاش رەت شىعارىلدى
مامانداردىڭ ايتۋىنشا، اپپاراتتىڭ جەتى كەلىگە دەيىنگى جۇكتى كوتەرەتىن قاۋقارى بار، ال ۇشۋ قاشىقتىعى 60 شاقىرىمعا جەتەدى. ءپروتوتيپتى جاساۋعا ەكى جىل كەتكەن. اتالمىش وتاندىق ءوندىرىس اسكەري، ازاماتتىق جانە ونەركاسىپ سالالارىندا جۇمىس ىستەۋگە ارنالعان. ونىمەن قوسا، دروندار قورشاعان ورتاعا مونيتورينگ جۇرگىزىپ، توتەنشە جاعدايلاردىڭ اۋقىمىن باعالاي الادى ەكەن.
«جاڭا قۇرىلعىنىڭ مۇمكىندىكتەرى مۇنىمەن شەكتەلمەيدى»، – دەيدى وندىرۋشىلەر.
«ەڭ الدىمەن، اپپارات اۋىل شارۋاشىلىعىنا، ياعني جەردى تاڭبالاۋعا، وزەندەردىڭ تاسۋىن باقىلاۋ ءۇشىن قاجەت. بۇل توتەنشە جاعدايلار مينيسترلىگىنە، قورعانىس مينيسترلىگىنە، مەملەكەتتىك قاۋىپسىزدىك كۇشتەرىنە وتە قولايلى»، - دەيدى «Kazakhstan Engineering» ۇك» اق باسقارما ءتوراعاسىنىڭ كەڭەسشىسى راتمير كومراتوۆ.