ەلىمىزدە Samsung، Apple، Xiaomi سمارتفوندارى جوعارى سۇرانىسقا يە
StatCounter دەرەگىنە سۇيەنسەك، بيىلعى قاڭتاردا الەمدەگى ەڭ تانىمال ۇيالى تەلەفون Apple بولعان. كومپانيانىڭ الەمدىك نارىقتاعى ۇلەسى 29،5%-دى قۇرايدى، دەپ حابارلايدى Almaty-akshamy.kz Elorda.info-عا سىلتەمە جاساپ.
ەكىنشى ورىندا Samsung كومپانياسى تۇر، ونىڭ نارىقتاعى ۇلەسى – 27،2%. ءۇشىنشى ورىندا – Xiaomi، ونىڭ نارىقتاعى ۇلەسى – 11،5%.
ال قازاقستاندا Samsung برەندى ۇيالى تەلەفوندار نارىعىندا كوشباسشى بولىپ تۇر: ونىڭ نارىقتاعى ۇلەسى 36،1%-دى قۇرايدى. بىلتىر بۇل كورسەتكىش 41% بولعان.
ەكىنشى ورىندا Apple كەلەدى: الما-برەندتىڭ نارىقتاعى ۇلەسى – 26،6%، ءبىر جىل بۇرىنعى كورسەتكىش 20% بولعان.
ءۇشىنشى ورىندا Xiaomi تۇر، نارىقتاعى ۇلەسى – 17%، 2021 جىلعى قاڭتارداعى كورسەتكىش – 15،2%.
سونداي-اق ۇزدىك بەستىككە Oppo جانە Huawei كومپانيالارى دا ەندى.