سۇلۋلىق سىربازدىقتى تالاپ ەتەدى
تالعامعا تالاس جوق. ءقازىر زاماناۋي بولۋ ءۇشىن كوپ نارسە قاجەت ەمەس. ءححى عاسىر ادەمىلىك پەن سۇلۋلىقتىڭ سيمۆولىنداي سەزىلەدى. الەۋمەتتىك جەلىگە سۋرەتىن جاريالاۋعا اركىم قۇشتار.
كورىكتىلىك كۇتىمدى قاجەتەتەدى. نيكولاي چەرنىشيەۆسكيي «ادام بويىنداعى اسەمدىك پەن سۇلۋلىقتى، ورگانيزم مەن دەنساۋلىقتى ۇشتاستىرا دامىتۋ جونىندەگى تۇسىنىكتەن ءبولىپ قاراۋ اقىلعا سىيمايدى» دەپتى. بۇل سوزبەن تولىق كەلىسەمىز. ءبىراق تاياقتىڭ ەكىنشى ۇشى بار. سۇلۋ بولامىن دەپ پلاستيكالىق وتا جاساتىن، اجارىنان ايرىلىپ قالىپ جاتقاندار قانشا ما؟! مۇنىمەن شەك قويعىمىز كەلمەيدى. دەسەدە، دەنساۋلىقتى استە ەستەن شىعارماعان ابزال. اسىرەسە ايەل ازاماتشالارىنا كۇتىنىپ جۇرگەن جاراساتىنداي كورىنەتىن. ءبىراق، زامان وزگەردى. البا-جۇلبا جۇرگەندى قوعام دۇرىس كورمەيتىندەي. ال ادام قوعامنىڭ ءبىر بولشەگى.
جاستارعا جالىنداپ جۇرگەن جاراسادى. ءبىزدىڭ ءومىر ءسۇرىپ وتىرعان كەزىمىز عالامتورعا تىكەلەي بايلانىستى. كىمنىڭ قايدا، قالاي جۇرگەنىڭ جەلىدەن باقىلايمىز. سوندىقتان بولار، ادەمى كورىنۋگە تىرىسىپ باعامىز. بۇل دا ءبىر جاعىنان دۇرىس. جىگىتتەر جاعى اتاقتى فۋتبولشى كريشتيانۋ رونالدۋدىڭ شاش قويۋ ۇلگىسىن ۇستانادى. ەۋروپالىق ستيل دەپ ايتساق ءجون بولار. ەندىگى ءبىرى، دالىرەك قالالىقتار كورەيالىق ۇلگىگە قۇمار. كوبىنە بايقايتىنىمىز وسى ەكى نارسە. باستىسى، سىپتاي بولىپ، جيناقى ءارى كورىكتى كورىنىپ جۇرگەنگە نە جەتسىن؟! سەبەبى، جاس ادامعا ءبارى جاراسىمدى. ەڭ نەگىزگىسى شەكتەن اسپاسا بولعانى.
توپشى. ارتۋر شوپەنگاۋەر «ءومىر ەندى ءبىر ماعىنادا شىراققا ۇقسايدى: وعان جاقىنداعان سايىن ونى كورۋ قيىن. ءومىر سۇلۋلىعىن تانىعىمىز كەلسە الىسىراق تۇرىپ كۇزەتەيىك» دەپتى. ءسان ونەرىن جەتە تۇسىنگەن ويشىلدىڭ سوزىدە جوعارىداعى ويلارمەن ۇندەسەدى. ءسوز سوڭىندا ايتارىمىز سۇلىۋلىق تەك سىرت كەلبەتپەن ەمەس، اق ادال جۇرەكپەن ولشەنەتىنىن ۇمىتپايىق!