الەۋمەتتىك جەلىدەگى كەيبىر وزگەرىستەر
Instagram قىزمەتى پايدالانۋشىلاردان جەكە باسىن راستاۋ ءۇشىن بەينە سەلفي سۇراي باستادى. جاڭا تەكسەرۋلەردى بريتاندىق مامان جانە الەۋمەتتىك مەديا كەڭەسشىسى مەتت ناۆاررا ءوزىنىڭ Twitter پاراقشاسىندا جاريالادى، دەپ حابارلايدى Almaty-akshamy.kz ءتىلشىسى يزۆەستيا باسىلىمىنا سىلتەمە جاساپ.
جەكە تۇلعاڭىزدى راستاۋ ءۇشىن بەتىڭىزدى ءارتۇرلى بۇرىشتاردان كورسەتۋ كەرەك. ناقتىلانعانداي، ءتۇسىرۋ كەزىندە كامەرا ادامنىڭ كوزىنىڭ دەڭگەيىندە بولۋى كەرەك جانە ول تومەن قاراماۋى كەرەك، دەپ جازادى Life.ru.
الدىن الا مالىمەت بويىنشا، Instagram بۇل قىزمەتتى 2020 جىلى سىناي باستاعان، ءبىراق تەحنيكالىق اقاۋلارعا بايلانىستى جۇمىسىن توقتاتقان. الەۋمەتتىك جەلىنىڭ وزىندە ولار بەينە سەلفيدىڭ كومەگىمەن اككاۋنت كۇدىكتى تۇردە بەلسەندى بولعان جاعدايدا عانا جەكە باسىن تەكسەرەتىنىن ءتۇسىندىردى. مىسالى، ەگەر پايدالانۋشى كۇتپەگەن جەردەن بىرنەشە سەكۋند ىشىندە كوپتەگەن اككاۋنتتارعا جازىلسا نەمەسە بىردەن بىرنەشە لايك جيناسا وسىنداي كۇدىككە ءىلىنۋى مۇمكىن.
سونىمەن قاتار، 17 قاراشادا Instagram بەتتى تانۋ تەحنولوگياسىن پايدالانبايتىنىن باسا ايتتى. بەينە سەلفي تىركەلگىنى شىن مانىندە بوت ەمەس، ناقتى ادام پايدالانىپ جاتقانىنا كوز جەتكىزۋ ءۇشىن قاجەت.
بەينەجازبالاردى الەۋمەتتىك جەلى قىزمەتكەرلەرى كورەدى، ولار 30 كۇننەن كەيىن جويىلادى.
10 قاراشادا Instagram سەرۆيسىنىڭ باسشىسى ادام موسسەري الەۋمەتتىك جەلى قولدانۋشىلارعا ارنانى كورۋدەن ءۇزىلىس جاساۋدى ەسكە سالاتىن جاڭا قۇرالدى سىناقتان وتكىزە باستاعانىن حابارلادى.