قارجىلىق مونيترينگ اگەنتتىگىنىڭ ماڭعىستاۋ وبلىسى بويىنشا دەپارتامەنتى "وزەنمۇنايگاز" اق باسشىلىعىنا قاتىستى تەرگەۋدى اياقتاپ، قىلمىستىق ءىستى سوتقا جىبەردى، دەپ حابارلايدى اlmaty-akshamy.kz.
قارجىلىق مونيتورينگ اگەنتتىگىنىڭ باسپا ءسوز قىزمەتىنىڭ مالىمەتىنە سۇيەنسەك، "وزەنمۇنايگاز" اق باس ديرەكتورىنىڭ ورىنباسارى باۋىرجان مامبەتساپايەۆ قىزمەتتىك وكىلەتتىكتەرىن اسىرا پايدالاندى دەگەن كۇدىككە ءىلىندى. تەرگەۋ نۇسقاسى بويىنشا، ول ءىس جۇزىندە جۇمىس ىستەمەيتىن جانە نەگىزسىز جالاقى العان تانىستارىن جالعان جۇمىسقا تارتقان.
"وزەنمۇنايگاز" اق باس ديرەكتورىنىڭ تاعى ءبىر بۇرىنعى ورىنباسارى ە.كارامۋرزايەۆقا ۇڭعىمالاردى جەراستى جوندەۋ بويىنشا زاڭسىز تەندەر وتكىزۋ ارقىلى ساتىپ الۋعا قاتىسقان باسقا قاتىسۋشىلاردىڭ مۇددەلەرىنە نۇقسان كەلتىرىپ، جەكەلەگەن كومپانيالاردىڭ مۇددەلەرىن قورعادى دەگەن ايىپ تاعىلدى. كەلتىرىلگەن شىعىن كولەمى – 623 ملن تەڭگە.
"سونىمەن قاتار الدىن الا ءسوز بايلاسۋ ارقىلى سەنىپ تاپسىرىلعان 294 ملن تەڭگەنى جىمقىرىپ، تالان-تاراجعا سالعان "وزەنمۇنايگاز" اق مۇناي-گاز ءوندىرۋ باسقارماسى ديرەكتورى مەن جەتكىزۋشىگە ايىپ تاعىلدى".