عالىمدار قازاقشا ساۋاتتى جارناما جازۋعا كومەكتەسۋگە دايىن

احمەت بايتۇرسىن ۇلى اتىنداعى ءتىل ءبىلىمى ينستيتۋتىنىڭ عالىمدارى قازاقشا ساۋاتتى جارناما جازۋعا كومەكتەسۋگە دايىن.

بۇل تۋرالى الماتىدا وتكەن «قازاقستانداعى ۇلتتىق جارناما ءتىلىن قالىپتاستىرۋ جانە سيفرلاندىرۋ» اتتى كونفەرەنسيادا ايتىلدى، دەپ حابارلايدى Almaty-akshamy.kz.

24.kz حابارلاۋىنشا، بۇگىندە ينستيتۋت ماماندارى ەلىمىزدە ساۋدا-ساتتىققا قاتىستى ماتىندەردى جيناقتاپ، ەلەكتروندى بازاعا ەنگىزۋدە. ونىمەن «قازاق ءتىلىنىڭ ۇلتتىق كورپۋسى» سايتىنان تانىسۋعا بولادى. بۇل جارناما بەرۋشىگە، PR-شىلارمەن، كوپيرايتەرلەرگە قوسىمشا كومەك قۇرالى بولماق. كالكا كۇيىندەگى جارنامالاردى ازايتىپ، ۇلتتىق ناقىشتاعى اسەرلى ءارى ساۋاتتى اقپارات بەرۋگە سەپتىگىن تيگىزەدى.

«بۇل قوسىمشانى جارناما بەرۋشىلەر پايدالانا الادى. ول جەردە جارناماعا قولدانىلاتىن مودەلدەر بولادى. جارناما تىلىندە كوپ كەزدەسەتىن سوزدەردىڭ دەرەككوزى بولادى. سوندا جارنامالاۋشى ءوزى جارناماسىن بەرەر كەزدە ارنايى ءبىر مودەلدەردى، فورمۋلالاردى كورەدى ول جەردەن»، - دەيدى ا.بايتۇرسىن ۇلى اتىنداعى ءتىل ءبىلىمى ينستيتۋتىنىڭ ءبولىم مەڭگەرۋشىسى ايمان جاڭابەكوۆا.