حالىق قاشاننان سايلاۋعا زور ۇمىتپەن بارادى. ءوزى تاڭداعان ۇمىتكەرىنە داۋىس بەرە وتىرىپ، اماناتىنا ادال بولسا دەپ سەنىم ارتادى. ارينە، حالىقتىڭ ويلاعانى ءدايىم بولا بەرمەسى انىق. دەگەنمەن، سايلاۋشىلارىنىڭ سەنىمىنەن شىعىپ، بەرگەن ۋادەسىنە سايكەس ءوز باعدارلاماسىن جۇزەگە اسىرىپ جۇرگەن دۋلات تاستەكەي از ۋاقىتتىڭ ىشىندە ءبىراز شارۋانىڭ باسىن قايىردى. ءوزى سايلانعان جەتىسۋ اۋدانىنا قاراستى No18 سايلاۋ وكرۋگى بويىنشا اتالمىش اۋداننىڭ ءبىرشاما جوعى تۇگەندەلىپ، جىرتىعى جامالىپ جاتىر. الماتى قالاسى ءماسليحاتىنىڭ دەپۋتاتى دۋلات تاستەكەي №112 جالپى ءبىلىم بەرەتىن مەكتەپتە تاعى دا حالىقپەن كەزدەستى.
بۇل جولى دا تۇرعىندار ءبىراز وزەكتى ماسەلەنىڭ باسىن اشتى. بۇل ماڭايدا قاڭعىباس يتتەردىڭ تىم كوبەيىپ كەتۋى اسىرەسە بالالاردىڭ ءومىرى ءۇشىن قورقىنىشقا اينالعانىن جەكىزدى. مەكتەپتەن قايتقان بالالارى ءۇشىن قاتتى الاڭدايتىنىن ايتىپ، دەپۋتاتتان اراشا سۇرادى. قاڭعىباس يتتەر ماسەلەسى بويىنشا كەزدەسۋگە ادەيى شاقىرىلعان الماتى قالاسىنىڭ «قالالىق ۆەتەريناريا قىزمەتى» كوممۋنالدىق مەملەكەتتىك قازىنالىق كاسىپورنى ديرەكتورىنىڭ مىندەتىن اتقارۋشى م.مادياروۆ قاڭعىباس يتتەردى اۋلاۋ، ءۇي جانۋارلارىنا ۆەتەرينارلىق قىزمەت كورسەتۋ بويىنشا قويىلعان ساۋالدارعا جاۋاپ بەرىپ، قاڭعىباس يتتەردى اۋلايتىن ارنايى ورتالىق ماماندارىنا تاپسىرما بەردى. كەزدەسۋ بارىسىندا كوتەرىلگەن تاعى ءبىر وزەكتى ماسەلە- كوشەلەردەگى شۇڭقىرلار، جۇمىسى بىتپەي قويعان جوندەۋ جۇمىستارى تۋرالى بولدى.
سونىمەن قاتار، تۇرعىندار بۇل ماڭايدا بالالارعا ارنالعان سپورتتىق-ساۋىقتىرۋ ورتالىقتارى مەن كلۋبتىڭ جوق ەكەنىن دە اشىنا ايتتى. ءدال وسى اۋماقتا ءالى كۇنگە دەيىن قوعامدىق كولىكتىڭ از قاتىنايتىنى، ونىڭ جۇمىس ساپاسىنىڭ ناشار ەكەنى دە اڭگىمەگە ارقاۋ بولدى.
تۇرعىنداردىڭ بۇدان دا وزگە ماسەلەلەرى بويىنشا ءماسليحات دەپۋتاتى قازاقستان رەسپۋبليكاسىنىڭ زاڭناماسىنا سايكەس تۇسىندىرمە بەردى. سونىمەن قاتار، كەيبىر ماسەلەلەردى ودان ءارى شەشۋگە ىقپال ەتۋ ءۇشىن دەپۋتاتتىق ساۋال جولداپ، ونى جەكە باقىلاۋعا الۋعا ۋادە بەردى. تۇرعىندار تاراپىنان تۇسكەن وتىنىشتەردىڭ ورىندالۋى ءۇشىن ءتيىستى سالا قىزمەتكەرلەرىنە ءبىرقاتار تاپسىرمالار بەردى. وسى جولعى كەزدەسۋگە دەپۋتات بوس كەلمەي، مەكتەپ ۇجىمىنا وقۋشى ورىندىقتارىن سىيعا تارتتى. اتالمىش مەكتەپتىڭ كەڭەيتىپ، قوسىمشا عيمارات سالۋ جۇمىسىن تىكەلەي ءوزى قاداعالايتىن بولدى. تۇرعىنداردىڭ ساۋالدارىن ورىندالۋ ناتيجەلەرى تۋرالى الەۋمەتتىك جەلىدەگى پاراقشاسىندا حابارلايتىن بولادى.