مەدەۋ اۋدانىنا قاراستى «سۇلۋساي» ىقشاماۋدانىنداعى №197 مەكتەپتە «جاڭا تەحنولوگيانى مەڭگەرۋ-زامان تالابى» اتتى تاقىرىپتا مەكتەپ باسشىلارىنا ارنالعان اۋداندىق سەمينار بولىپ ءوتتى. اتالمىش اۋداننىڭ ءبىلىم ءبولىمىنىڭ باسشىسى اعايشا ساپاروۆانىڭ ايتۋىنشا، بۇل جيىنعا قاتىسقان جاس مامانداردىڭ بارلىعى جاڭا تەحنولوگيالاردى جەتىك مەڭگەرگەن. ءارى قازىرگى تالاپ بويىنشا جاساندى ينتەللەكت، گەيميفيكاسيا، ءتيىمدى پلاتفورمالار سىندى ادىس-تاسىلدەردى پايدالانباي ءبىلىم بەرۋ ەش مۇمكىن ەمەس كورىنەدى. سوندىقتان بارلىق تالاپقا ساي بولۋى كەرەك. بۇگىنگى زامان تالابى دا وسى،-دەيدى.
سەمينار بارىسىندا جاس ماماندار جاڭا تەحنولوگيالاردى جان-جاقتى مەڭگەرىپ، ونى ءتيىمدى قولدانىپ جۇرگەندىكتەرىن تانىتتى.
-مەكتەبىمىزدىڭ جاس ماماندارى كۇندەلىكتى ساباقتا قولدانىپ جۇرگەن ترەندتەگى جاڭا تەحنولوگيالاردىڭ ادىس-تاسىلىمەن ءبولىستى. اتاپ ايتقاندا، فيزيكا ءپانىنىڭ ءمۇعالىمى، ماگيسترانت باقداۋلەت شاكىرحان ۇلى، اعىلشىن ءتىلى ءپانىنىڭ ءمۇعالىمى، ماگيسترانت ايگەرىم الماس قىزى، كوركەم ەڭبەك ءپانىنىڭ ءمۇعالىمى بورحۋ اديگۋل، ينجەنەريا سالاسى بويىنشا كەنجەعالي قانات ۇلى وتكىزگەن ساباقتار قىزىقتى بولدى،-دەيدى مەكتەپ ديرەكتورى تۇنىق ەگەباي قىزى. سەمينار سوڭى «ناۋرىزناما» مەرەكەسىنە ۇلاستى.
