Flyarystan استانا-قوستاناي رەيسى بۇگىن ۇشىپ شىققاننان كەيىن كوپ ۇزاماي ەلوردا اۋەجايىنا قايتا ورالدى، دەپ حابارلايدى اlmaty-akshamy.kz اۆياكومپانيانىڭ باسپا ءسوز قىزمەتىنە سىلتەمە جاساپ.
"بورتتى وندىرىستىك كەمشىلىكتەرگە بايلانىستى قايتا ورالدى. جولاۋشىلارعا سۋسىندار مەن ىستىق تاماق بەرىلدى. اۆياكومپانيا وكىلدەرى اۋەجايعا بارىپ، جولاۋشىلارعا بارلىق قاجەتتى قولداۋدى كورسەتتى"، - دەدى FlyArystan.
اۆياكومپانيانىڭ مالىمەتىنشە، قايتا ۇشۋ ساعات 14.15-تە بولعان.
وتكەن اپتادا پرەمەر-مينيستر ولجاس بەكتەنوۆ FlyArystan 20 ناۋرىزدا Air Astana-دان بولەك تاسىمالداۋشى رەتىندە سەرتيفيكاتتالاتىنىن حابارلاعان بولاتىن. ەسكە سالا كەتەيىك، اقپان ايىنىڭ سوڭىندا ۇندىلىك ب ا ق مۋمباي اەرودرومىندا FlyArystan ۇشاعى بۇرىس باعىتقا بۇرىلىپ، بەلسەندى ۇشۋ-قونۋ جولاعىنا كىرىپ كەتكەنىن جازعان بولاتىن.