وزەكتى ماسەلەلەردى تالقىلادى

ق ر پرەزيدەنتتىگىنە كانديدات سايلاۋشىلارمەن كەزدەسۋ ءۇشىن جاڭاوزەن قالاسىنا باردى. 
ۇگىن-ناسيحات جۇمىستارىن جۇرگىزۋ ءۇشىن ارنايى جاڭاوزەن «ءبىلىم-يننوۆاسيا» ليسەي-ينتەرناتىنا تابان تىرەدى. وندا العاشىندا ءوزىنىڭ ساياسي باعدارلاماسىن تانىستىردى. سونداي-اق ءسوز بارىسىندا پەداگوگتاردىڭ ماڭىزدىلىعىن جانە ولاردىڭ الدىندا تۇرعان مىندەتتەردى اتاپ ءوتتى.
«الەمنىڭ كەز كەلگەن ەلىندەگى ءمۇعالىم ءارقاشان قۇرمەتتى، جانە مارتەبەسى بيىك ماماندىق. ويتكەنى ول بالالارعا، ياعني بولاشاققا ءبىلىم بەرەتىن ادام. مەن ءوزىم ءمۇعالىم، پروفەسسورمىن. سوندىقتان  بۇل جۇمىستىڭ قانشالىقتى قيىن دا قىزىقتى بولاتىنىن بىلەمىن»، - دەدى م.قاجىكەن.
مۇعالىمدەر ۇمىتكەرمەن ءبىلىم بەرۋدەگى جالاقىنى كوتەرمەي جۇكتەمەنى ۇلعايتۋ، سىبايلاس جەمقورلىق، تۇرعىن ءۇي الۋ سياقتى وزەكتى ماسەلەلەردى تالقىلادى.
مەيرام قاجىكەن ءوز باعدارلاماسىنىڭ الەۋمەتتىك بولىمىندە مۇقتاج جاس ماماندارعا، تۇرعىن ءۇي ساتىپ الۋعا قاراجاتى جەتكىلىكسىز وتباسىلارعا جانە حالىقتىڭ باسقا دا توپتارىنا تۇرعىن ءۇي بەرۋ جوسپارى جازىلعانىن ايتتى.
«مەنىڭ ۇستانىمىم مىنادا: جەرگىلىكتى ورگاندار كوپپاتەرلى ءۇي سالۋ ءۇشىن مەردىگەر كومپانياعا  جەر ۋچاسكەسىن بەرەدى. سوندىقتان  قۇرىلىس سالۋشى تۇرعىن ءۇيدىڭ 15% - نا دەيىن مەملەكەتكە ءبولۋى كەرەك. ياعني، اكىمدىكتەر تۇرعىن-ۇيدەن پاتەرلەر الادى. ونى كەزەكتە تۇرعاندارعا بەرەدى»، - دەدى ول.
«ءسىز ايتىپ وتىرعان جۇمىسقا ورنالاسۋ كەزىندەگى سىبايلاس جەمقورلىققا كەلەتىن بولساق، مەن بۇل وزەكتى ماسەلەمەن زاڭدى تۇردە قاتال جانە قاتاڭ كۇرەسۋ كەرەك دەپ سانايمىن. ءىستى ءتىپتى قۇقىق قورعاۋ ورگاندارىنا دەيىن  جەتكىزۋ كەرەك»، - دەپ اتاپ ءوتتى كانديدات.