بوكسشى ايدوس ەربوسىن ۇلى اۋىر نوكاۋتقا تۇسكەن ەدى.
پرەزيدەنت قاسىم-جومارت توقايەۆ بوكسشى ايدوس ەربوسىنۇلىنا قولداۋ جەدەلحاتىن جولدادى، - دەپ حابارلايدى Almaty-akshamy.kz اقورداعا سىلتەمە جاساپ.
مەملەكەت باسشىسى ناعىز بىلەك پەن جۇرەكتى تالاپ ەتەتىن سپورت تۇرىمەن كاسىبي تۇردە شۇعىلدانىپ جۇرگەن ايدوس ەربوسىنۇلىنا قولداۋ ءبىلدىردى.
«كۋبالىق بوكسشىمەن جەكپە-جەگىڭىزدە بۇكىل قازاقستاندىق جانكۇيەر سىزگە تىلەكشى بولدى. باسەكە بولعان جەردە جەڭىس پەن بىرگە ساتسىزدىكتىڭ دە بولاتىنى زاڭدىلىق. ەڭ باستىسى – دەننىڭ ساۋلىعى. تەزىرەك ساۋىعىپ، ورتامىزعا ورالىپ، وتاندىق بوكستىڭ دامۋىنا ۇلەسىڭىزدى قوسا بەرەتىنىڭىزگە سەنىم بىلدىرەمىن»، – دەپ جازىلعان جەدەلحاتتا.
ەسكە سالا كەتسەك، قازاقستاندىق ايدوس ەربوسىن ۇلى (16-1، 11 كو) سۋپەر ورتا سالماقتا (76،2 كەلىگە دەيىن) كۋبالىق ديەۆيد موررەلمەن (8-0، 7 كو) جۇدىرىقتاسىپ، 12-راۋندتا اۋىر نوكاۋتقا تۇسكەن ەدى.