بۇل تۋرالى الەۋمەتتىك جەلىدەگى پاراقشاسىندا دەپۋتات ابزال قۇسپان ءمالىم ەتتى، دەپ حابارلايدى Almaty-akshamy.kz Polisia.kz-كە سىلتەمە جاساپ.
“پەتروپاۆلداعى جاعداي بويىنشا باس پروكۋرور اتىنا حات دايىندالدى، ەندى دەپۋتاتتاردىڭ قولىن جيناپ، تۇستەن كەيىن جولدايتىن بولامىز”، – دەپ جازدى ول.
ەسكە سالايىق، وزدەرىن پەتروپاۆل تۇرعىندارىمىز دەپ تانىستىرعان ءبىر توپ ادام قازاقستاننان «تاۋەلسىزبىز» دەپ مالىمدەمە جاساپ، حالىق كەڭەسى قۇرىلعانىن جاريالادى. ولار قازاقستان رەسپۋبليكاسىن «كورپوراسيا» دەپ اتاپ، ونىڭ قۇقىقتىق نەگىزدەرىن جوققا شىعاردى.
«ءبىز ازات جانە ەركىن حالىقپىز، ەرلەر مەن ايەلدەر، سقو پەتروپاۆل قالاسىنىڭ تۇرعىندارى قازاقستان رەسپۋبليكاسى كورپوراسياسىنىڭ قۇقىقتىق نەگىزىنىڭ جالعاندىعىنا، حالىقتىڭ ومىرىنە قولايسىز جاعدايلار تۋعىزۋىنا، سونىمەن قاتار، ونىڭ اگەنتتەرىنىڭ ارەكەتكە قابىلەتسىزدىگى مەن ابىرويسىزدىعىنا بايلانىستى يگىلىگىمىز بەن رەسۋرستارىمىزدى باسقارۋ جۇيەسىنىڭ بارلىق قۇرىلتايشىسى مەن قىزمەتشىلەرىنە تولىق سەنىمسىزدىك بىلدىرەمىز. ءبىز، حالىق، ءوز تاۋەلسىزدىگىمىز بەن ەگەمەندىگىمىزدى جاريالايمىز»، - دەيدى قاتىسۋشىلار الەۋمەتتىك جەلىلەردە تاراعان ۆيدەودا.