ءبىر لاۋازىمدى اتقاراتىنىنا قاراماستان، قازاقستاندىققا از، شەتەلدىككە كوپ جالاقى تولەگەن كاسىپورىندارعا ايىپپۇل سالىندى، دەپ حابارلايدى اlmaty-akshamy.kz قازاقپاراتقا سىلتەمە جاساپ.
«وبلىستارداعى پروكۋرورلار بىلتىر مەملەكەتتىك ەڭبەك ينسپەكتورلارىمەن بىرلەسىپ، شەتەلدىك جۇمىس كۇشىن تارتاتىن 64 كاسىپورىنعا تەكسەرۋ جۇرگىزدى. ونىڭ بارىسىندا ەڭبەكاقى تولەۋدەگى ديسپروپورسيانىڭ 179 جاعدايى انىقتالدى. مىسالى، الماتى وبلىسىندا «CITIC Construction» جشس-دە قىتايدان كەلگەن ينجەنەردىڭ جالاقىسى سول لاۋازىمداعى جەرگىلىكتى مامانعا قاراعاندا 2،5 ەسە كوپ بولعان. قىتايدان كەلگەن مامان 750 مىڭ السا، قازاقستاندىق ايىنا 300 مىڭ الىپ كەلگەن. سول سياقتى اتىراۋ وبلىسىندا «فيركروفت ينجينيرينگ سەرۆيسەز ليميتەد» جشس-دە انگليادان كەلگەن جوبا ينجەنەرىنىڭ جالاقىسى سول لاۋازىمداعى جەرگىلىكتى مامانعا قاراعاندا 10 ەسە كوپ بولعانى انىقتالدى. اتاپ ايتقاندا، شەتەلىك مامان ايىنا 15 ملن 760 مىڭ تەڭگە، ال جەرگىلىكتى جۇمىسكەر 1 ملن 927 مىڭ تەڭگە الىپ كەلگەن»، - دەدى ەڭبەك جانە الەۋمەتتىك قورعاۋ كوميتەتىنىڭ ءتوراعاسى تولەگەن وسپانقۇلوۆ وكق-دە وتكەن بريفينگىدە.
انىقتالعان قۇقىقبۇزۋشىلىقتار نەگىزىندە 263 لاۋازىمدى تۇلعا اكىمشىلىك جاۋاپكەرشىلىككە تارتىلىپ، ولارعا 64،3 ملن تەڭگە ايىپپۇل سالىنعان.
سونىمەن بىرگە، بريفينگ بارىسىندا كوميتەت ءتوراعاسى ەلىمىزدەگى 73 كاسىپورىننىڭ جۇمىسكەرلەرگە تولەمەگەن 1،4 ملرد تەڭگە جالاقى بەرەشەگى بار ەكەنىن ايتتى.