جىل باسىنان بەرى الماتىدا موپەدتەردىڭ كەسىرىنەن 199 جول-كولىك وقيعاسى بولعان.
پوليسيا موپەدپەن ەرەجە بۇزاتىن كۋرەرلەرگە ايىپپۇل سالۋ ءتاسىلىن تاپتى، دەپ حابارلايدى Almaty-akshamy.kz
مەگاپوليستە موپەدتەردىڭ قاتىسۋىمەن جول وقيعالارى جيىلەپ كەتتى. وعان قوسا، كۋرەرلەر ەرەجەنى ساقتامايدى، شلەم تاقپايدى، جاياۋ جۇرگىنشىلەر جولىنا شىعىپ كەتەدى. وسىدان كەيىن الماتىلىق پوليسەيلەر جەتكىزۋ قىزمەتتەرىنىڭ وكىلدەرىمەن كەزدەسىپ، ناقتى شارالاردى قولعا الۋعا كەلىستى. مەموراندۋمعا دا قول قويىلدى.
Sergek Development كومپانياسىنىڭ وكىلى نۇربول ءامىرجاننىڭ ايتۋىنشا، پيلوتتىق جوبا بويىنشا كۋرەرلىكپەن اينالىساتىن بارلىق كومپانيالاردىڭ جەتكىزۋ قىزمەتكەرلەرى تۋرالى اقپارات ەنگىزىلگەن ارنايى بازا جاساقتالادى.
"ءار جەتكىزۋ قىزمەتىنىڭ وكىلىنە جارىقپەن شاعىلىساتىن نومەر تاعايىندالادى. سول نومەر ارقىلى ونىڭ قوزعالىسى "سەرگەك" كامەرالارىمەن قاداعالانادى. جوبا جول-كولىك وقيعالارىن ازايتۋعا مۇمكىندىك بەرەدى"، - دەيدى ءامىرجان.
پيلوتتىق جوبا ازىرگە پروفيلاكتيكالىق ماقساتتا قولعا الىندى. قازىرگى تاڭدا موپەدتەرگە قاتىستى ءتيىستى زاڭنامالارعا وزگەرىستەر ەنگىزۋ قاراستىرىلۋدا. زاڭ كۇشىنە ەنگەن سوڭ، تالاپ تا كۇشەتىلەدى.
"قازاقستان رەسپۋبليكاسى اكىمشىلىك كودەكسىنىڭ 615-بابىنىڭ نورمالارى بويىنشا ءبىز ونى ولاردى اكىمشىلىك جاۋاپكەرشىلىككە تارتا الامىز. ولار موپەد دەگەن ۇعىممەن ەمەس، جول ءجۇرۋ قوزعالىسىنا باسقا دا قاتىسۋشىلار دەگەن ۇعىممەن. نەگىزى زاڭناما كۇشەيتىلەدى قازىرگى تاڭدا مىندەتتى تۇردە. موپەدتەردى بولەك كولىك قۇرالى ەتىپ سانايدى، سوندىقتان، موپەدتى تىزگىندەگەن ازاماتتار مىندەتتى تۇردە ءوز كولىك قۇرالىن تىركەۋگە قويۋ كەرەك جانە جول ءجۇرۋ كۋالىگىن يەمدەنۋى ءتيىس"، - دەپ اتاپ كورسەتتى پوليسيانىڭ رەسمي وكىلى سالتانات ازىربەك.