وزبەكستاندا H3N2 اتاۋىمەن بەلگىلى گونكونگ تۇماۋىنىڭ شتامىن جۇقتىرۋ دەرەگى تىركەلدى. ۆيرۋس جىلدام تارالسا، پاندەمياعا سوقتىرۋى مۇمكىن دەگەن ءقاۋىپ بار.
سالا ماماندارى بۇل ىندەتتىڭ الدىن الۋ ءۇشىن كۇزدە تۇرعىندارعا 2،2 ملن دوزا ۆاكسينا ەگىلگەن دەيدى. ەكپەنى نەگىزىنەن مەديسينا قىزمەتكەرلەرى، مۇعالىمدەر، بالاباقشا تاربيەشىلەرى مەن جەتكىنشەكتەر العان.
سوڭعى اپتادا كورشى ەلدە تۇرعىنداردىڭ جەدەل رەسپيراتورلى ۆيرۋستىق ينفەكسيا جۇقتىرۋ دەرەگى ەداۋىر تومەندەگەن، دەپ حابارلايدى اlmaty-akshamy.kz qazaqstan.tv-گە سىلتەمە جاساپ.
ەسەسىنە، "شوشقا تۇماۋى" اتانىپ كەتكەن H1N1 ۆيرۋسىن جۇقتىرۋدىڭ جىل باسىنان بەرى 4 جاعدايى انىقتالدى.
"زەرتحانالاردا جۇرگىزىلگەن تالداۋ ناتيجەسىنە ساي، ازىرگە تۇماۋدىڭ بۇل تۇرىنە شالدىققان 4 ادام بار. ولارمەن قارىم قاتىناستا بولعاندار ءجىتى تەكسەرىلىپ، جاعدايدى قاتاڭ باقىلاپ وتىرمىز. ارنايى مونيتورينگ جۇرگىزىپ، ىندەتتىڭ تارالۋىنا توسقاۋىل قويۋ شارالارىن قولعا الدىق"، دەيدى وزبەكستان رەسپۋبليكاسى دسم سەس جانە قوعامدىق دەنساۋلىق كوميتەتى باسشىسىنىڭ ورىنباسارى نۇرمات وتابەكوۆ.