جابىرلەنۋشىلەردىڭ ايتۋىنشا، بەلگىسىز بىرەۋ قارجىلىق ينتەرنەت الاڭىندا اقشانى كريپتوۆوليۋتاعا اينالدىرامىن دەگەن جەلەۋمەن ءىرى كولەمدە اقشانى يەمدەنگەن.
الماتىدا ءىرى الاياقتىققا قاتىسى بار ادام ۇستالدى، – دەپ حابارلايدى Almaty-akshamy.kz Polisia.kz-كە سىلتەمە جاساپ.
پوليسياعا الاياقتىق تۋرالى بىرنەشە حابارلاما كەلىپ تۇسكەن.
«جەدەل-ىزدەستىرۋ ءىس-شارالارى بارىسىندا كۇدىكتىلەردىڭ ءبىرى – ك.ەسىمدى ازامات ۇستالدى. انىقتالعانداي، جاس جىگىت الاياقتىق جولمەن الىنعان اقشالاي قاراجاتتى قابىلداپ وتىرعان. ۇستاۋ كەزىندە كۇدىكتىدەن 3 تەلەفون، 8 SIM-كارتا جانە ءارتۇرلى ادامنىڭ اتىنا اشىلعان 14 بانك كارتاسى تاركىلەندى. وسى دەرەك بويىنشا تەرگەۋ ق ر قك-نىڭ 190-بابىنا سايكەس قىلمىستىق ءىستى تەرگەپ جاتىر»، – دەدى الماتى قالاسى پد كريمينالدىق پوليسيا باسقارماسىنىڭ باستىعى قۋاتبەك ناۋاتوۆ.
قازىرگى ۋاقىتتا پوليسيا قىزمەتكەرلەرى الاياقتىق ارەكەتكە باسقا دا قاتىسۋشىلاردى انىقتاۋعا باعىتتالعان جەدەل-ىزدەستىرۋ ءىس-شارالارىن جۇرگىزىپ جاتىر.