ءسابي جانساقتاۋ بولىمىنە ءتۇستى.
فەرعانا وبلىسىندا تاعى ءبىر بالا تۇماۋعا قارسى ءۇندى دارىسىنەن ۋلاندى، دەپ حابارلايدى اlmaty-akshamy.kz وزبەكستان ۇلتتىق اقپارات اگەنتتىگىنە سىلتەمە جاساپ.
2022 جىلعى 28 جەلتوقساندا فەرعانا اۋرۋحاناسىنىڭ جانساقتاۋ بولىمىنە ءۇش جاسار بالا ءتۇستى. وعان «دوك-1 ماكس» سيروپىن ءىشىپ ۋلاندى» دەگەن دياگنوز قويىلدى. ءبۇلدىرشىننىڭ جاعدايى اۋىر.
بالانىڭ اۋرۋى سۋىق ءتيىپ، جوتەلۋدەن باستالعان. اناسى ءدارىحانادان دارىگەردىڭ نۇسقاۋىنسىز «دوك-1 ماكس» سيروپىن ساتىپ الىپ، 4 تاۋلىك بويى كۇنىنە 10 رەت 5 مل-دەن بەرىپ وتىرعان.
بۇعان دەيىن وسى دارىدەن 19 بالا كوز جۇمدى. ءقازىر بۇل پرەپاراتتىڭ تابلەتكالارى مەن سيروپتارى وزبەكستاننىڭ بارلىق ءدارىحاناسىندا ساتىلىمنان شىعارىلدى.
فارماسيەۆتيكالىق سالانى دامىتۋ اگەنتتىگىنىڭ ديرەكتورى قىزمەتىنەن كەتتى. ال ءۇندىستان بيلىگى "دوك-1 ماكس" پرەپاراتىن شىعاراتىن كومپانياعا قارسى ءىس قوزعادى. ءقازىر تەرگەۋ امالدارى جۇرگىزىلۋدە.
مۇنىڭ الدىندا ەلىمىزدىڭ دەنساۋلىق ساقتاۋ مينيسترلىگى وزبەكستاندا بالالاردىڭ ولىمىنە سەبەپ بولعان پرەپارات قازاقستاندا تىركەلمەگەنىن مالىمدەگەن بولاتىن.