بيىل ءبىرقاتار سالا قىزمەتكەرلەرىنىڭ جالاقىسى وسەدى

2023 جىلى ەڭ تومەن جالاقى الاتىن 1،8 ملن ادامنىڭ ايلىعى كوبەيەدى.

2023 جىلعى 1 قاڭتاردان باستاپ قازاقستاندا ەڭ تومەنگى جالاقى مولشەرى 60 000 تەڭگەدەن 70 000 تەڭگەگە دەيىن ۇلعايتىلدى. ناتيجەسىندە 1،8 ملن جالدامالى قىزمەتكەردىڭ اقشالاي كىرىسى وسەدى، دەپ حابارلايدى اlmaty-akshamy.kz primeminister.kz سىلتەمە جاساپ.

وقۋ-اعارتۋ مينيسترلىگىنىڭ مالىمەتىنشە، 2023 جىلدىڭ 1 قاڭتارىنان باستاپ بالاباقشا تاربيەشىلەرىنىڭ، مەكتەپتەر مەن كوللەدجدەر پەداگوگتارىنىڭ، سونداي-اق قوسىمشا ءبىلىم بەرۋ جۇيەسى ماماندارىنىڭ جالاقىسى 25%-عا ارتادى.

«پەداگوگتەردىڭ جالاقىسى وقۋ جۇكتەمەسىنە، ءبىلىم دەڭگەيىنە، بىلىكتىلىگىنىڭ بولۋىنا، جۇمىس وتىلىنە، ماگيستر دارەجەسىنىڭ بولۋىنا بايلانىستى ەسەپتەلەدى»، - دەدى ق ر ام قارجى جانە بيۋدجەتتىك جوسپارلاۋ دەپارتامەنتىنىڭ ديرەكتورى عالىمجان مولداش.

وسى جىلى دارىگەرلەردىڭ ورتاشا جالاقىسىن 30%-عا، 531 مىڭ تەڭگەگە دەيىن، ورتا مەديسينا قىزمەتكەرلەرىنە 20%-عا، 250 مىڭ تەڭگەگە دەيىن، ۇلعايتۋ جوسپارلاندى.

ق ر قارۋلى كۇشتەرى اسكەري قىزمەتشىلەرىنىڭ لاۋازىمدىق جالاقىسى 2023 جىلى ورتا ەسەپپەن 60%-عا ارتادى. سونداي-اق، ق ر قارۋلى كۇشتەرىنىڭ ارنايى ماقساتتاعى بولىمشەلەرى اسكەري قىزمەتشىلەرىنىڭ لاۋازىمدىق جالاقىسىن 20%-عا ارتتىرۋ كۇتىلۋدە. ال پوليسەيلەردىڭ جالاقىسى 10-33% ارالىعىندا وسەدى.

سونداي-اق 2023 جىلعى 1 قاڭتاردان باستاپ ءورت سوندىرۋشىلەر مەن قۇتقارۋشىلاردىڭ جالاقىسى 10-70%-عا ارتادى.