ۇكىمەتتىڭ 500-دەن استام فۋنكسياسى مينيسترلىكتەر مەن اكىمدىكتەرگە بەرىلەدى.
ق ر پرەمەر-مينيسترى ءاليحان سمايىلوۆ پرەمەر-مينيستر كەڭسەسىن ۇكىمەت اپپاراتى رەتىندە قايتا قۇرۋ، ەكولوگيا، گەولوگيا جانە تابيعي رەسۋرستار مينيسترلىگىن قايتا ۇيىمداستىرۋ، سونداي-اق سالالىق تۇجىرىمدامالار مەن دامۋ جوسپارلارىن ازىرلەۋ ماسەلەلەرى جونىندە كەڭەس وتكىزدى، دەپ حابارلايدى اlmaty-akshamy.kz primeminister.kz سىلتەمە جاساپ.
ءاليحان سمايىلوۆتىڭ ايتۋىنشا، ورتالىق جانە جەرگىلىكتى اتقارۋشى ورگانداردىڭ جۇمىسىن، قۇرىلىمدىق وزگەرىستەردى جالپى ۇيلەستىرۋ كۇشەيتىلەدى.
«ول ءۇشىن اپپاراتتىڭ قۇرىلىمى مەن ونىڭ قىزمەتى وڭتايلاندىرىلادى. ۇكىمەت پەن پرەمەر-مينيستردىڭ ساراپتامالىق-تالدامالىق، ۇيىمداستىرۋشىلىق-قۇقىقتىق قىزمەتىن قامتاماسىز ەتۋ كۇشەيتىلەدى. اپپارات پرەزيدەنت اكىمشىلىگىمەن بىرلەسىپ شەشىم قابىلداۋ راسىمدەرىن بيۋروكراتيادان ارىلتۋ جانە شامادان تىس رەگلامەنتتەۋدى جويۋ جونىندەگى جۇمىستى جالعاستىرادى»، — دەدى ءاليحان سمايىلوۆ.
ۇكىمەتتىڭ 500-دەن استام فۋنكسياسى مينيسترلىكتەر مەن اكىمدىكتەرگە بەرىلەدى.
كۇن تارتىبىندەگى ەكىنشى ماسەلەگە توقتالعان پرەمەر-مينيستر پرەزيدەنتتىڭ جارلىعىمەن ەكولوگيا، گەولوگيا جانە تابيعي رەسۋرستار مينيسترلىگى ەكولوگيا جانە تابيعي رەسۋرستار مينيسترلىگى بولىپ قايتا ۇيىمداستىرىلعانىن ايتتى. جەر قويناۋىن گەولوگيالىق زەردەلەۋ جانە مينەرالدىق-شيكىزات بازاسىن مولىقتىرۋ سالاسىنداعى فۋنكسيالار مەن وكىلەتتىكتەر يندۋستريا جانە ينفراقۇرىلىمدىق دامۋ مينيسترلىگىنە بەرىلدى.
كەڭەستى قورىتىندىلاي كەلە، پرەمەر-مينيستر ۇكىمەت الدىندا ەكونوميكانىڭ ناقتى ماندە 4%-عا ءوسۋىن قامتاماسىز ەتۋ، ينفلياسيانى 2 ەسەگە 9،5%-عا دەيىن تومەندەتۋ جانە 2023 جىلى $24،4 ملرد كولەمىندە تىكەلەي شەتەلدىك ينۆەستيسيالار تارتۋ سەكىلدى ماڭىزدى مىندەتتەر تۇرعانىن اتاپ ءوتتى.