رەفورمالاۋدىڭ ارقاسىندا قازىرگى پرەزيدەنت قايتادان سايلاۋعا تۇسە الادى.
وزبەكستان پرەزيدەنتى شاۆكات ميرزيويەۆ كونستيتۋسياعا تۇزەتۋلەر ەنگىزۋدى رەفەرەندۋم ارقىلى جۇزەگە اسىرۋدى ۇسىندى. بۇل تۋرالى مەملەكەت باسشىسىنىڭ باسپا ءسوز حاتشىسى شەرزود اسادوۆ مالىمدەدى، دەپ حابارلايدى Almaty-akshamy.kz Egemen.kz سىلتەمە جاساپ.
«كوميسسيانىڭ ۇسىنىسى بويىنشا پارلامەنت ازىرلەگەن جوبانى بۇكىلحالىقتىق تالقىلاۋدا قاراۋدى جانە ونى رەفەرەندۋم ارقىلى قابىلداۋدى ۇسىنامىن»، -دەدى پرەزيدەنت.
جالپى، ميرزيويەۆتىڭ ايتۋىنشا، قازىرگى زاڭناما بويىنشا پارلامەنت نەگىزگى زاڭعا تۇزەتۋلەر ەنگىزۋگە قۇقىلى.
2022 جىلعا جوسپارلانعان كونستيتۋسيانى رەفورمالاۋدىڭ ارقاسىندا قازىرگى پرەزيدەنت قايتادان سايلاۋعا تۇسە الادى. بۇنى سەناتتىڭ ۆيسە-سپيكەرى سادىق سافايەۆ ايتقان بولاتىن.
2016 جىلدان بەرى ميرزيويەۆ ەكى مارتە پرەزيدەنت بولىپ سايلاندى. وزبەكستاننىڭ قازىرگى كونستيتۋسياسى بويىنشا، ءبىر ادامعا قاتارىنان ەكى مارتە پرەزيدەنت بولۋعا تىيىم سالىنعان. كونستيتۋسيانى رەفورمالاۋدى ارنايى كوميسسيا قوعامدىق تالقىلاۋدىڭ كومەگىمەن وتكىزەدى.