وزبەكستان پرەمەر-مينيسترىنىڭ ورىنباسارى - ەنەرگەتيكا ءمينيسترى جۋرابەك ميرزاماحمۋدوۆ ەلدەگى ەلەكتر قۋاتىندا اقاۋ بار ەكەنىن ايتتى.
مينيستر قازىرگى اۋا رايى جاعدايىندا اۋىر زارداپتاردىڭ الدىن الۋ ءۇشىن ەلەكتر قۋاتىن جوسپارلى تۇردە ءوشىرۋ قاجەت دەپ ەسەپتەيدى، دەپ حابارلايدى اlmaty-akshamy.kz inbusiness.kz سايتىنا سىلتەمە جاساپ.
"ءبىزدىڭ مىندەتىمىز – تۇرعىنداردىڭ ءۇيىن گازبەن قامتاماسىز ەتۋ، سونىمەن قاتار تابيعي گازدى پايدالانا وتىرىپ، جىلۋ ەلەكتر ستانسيالارىندا ەلەكتر قۋاتىن ءوندىرۋ جانە ەلەكتر قۋاتىمەن قامتاماسىز ەتۋ. ءيا، قارسى بولىپ جاتقاندار بار. جارىق پەن گاز بارىنە بىردەي جەتپەي وتىر، ءجيى ءوشىپ قالىپ جاتىر. ءبىز مۇنى مويىندايمىز، ەشكىم جوققا شىعارمايدى"، - دەپ مالىمدەدى جۇرابەك ميرزاماحمۋدوۆ.
بىرەر كۇن بۇرىن تاشكەنت اكىمدىگى قولدا بار گاز قورىن بارلىق تۇتىنۋشىلار اراسىندا بىركەلكى بولۋگە تىرىسىپ جاتقانىن، ءبىراق جانارماي جەتكىلىكسىز ەكەنىن حابارلادى. وسى سەبەپتى قوعامدىق كولىكتەردەن باسقا بارلىق كولىكتەرگە گاز قۇيۋ بەكەتتەرىنىڭ جۇمىسىن توقتاتۋ تۋرالى شەشىم قابىلداندى.