مەملەكەت باسشىسىنا دەنساۋلىق ساقتاۋ ءمينيسترى ۆەدومستۆونىڭ جۇمىسى جانە دەنساۋلىق ساقتاۋ جۇيەسىن دامىتۋ جوسپارلارى تۋرالى باياندادى، دەپ حابارلايدى اlmaty-akshamy.kz.
قازىرگى ۋاقىتتا بولجامدى ءومىر ءسۇرۋ ۇزاقتىعىنىڭ كورسەتكىشى 75 جاستان اساتىنى جونىندە ايتتىلدى. جىل باسىنان بەرى ينفەكسيالىق اۋرۋلاردىڭ 21 ءتۇرى بويىنشا، سونىڭ ىشىندە كوروناۆيرۋسپەن سىرقاتتانۋ كورسەتكىشتەرى تومەندەگەن. ۆاكسيناسيالاۋ جانە پروفيلاكتيكالىق ءىس-شارالاردى جۇرگىزۋ جۇمىستارى جايىن ءسوز ەتتى.
مەديسينالىق قىزمەتتىڭ ساپاسىن جانە قولجەتىمدىلىگىن ارتتىرۋعا باسا نازار اۋدارىلعانى تۋرالى ەسەپ بەرىلدى. العاشقى جانە ستاسيونارلىق مەديسينالىق كومەكتى ۇيىمداستىرۋدىڭ تاسىلدەرى قايتا قارالۋ بارىسىنا توقتادى. سونداي-اق دياگنوستيكالىق جانە ەمدەۋ ستاندارتتارى جاڭارتىلىپ، سالانىڭ كادرلىق الەۋەتى نىعايىپ جاتقانىنا توقتالدى.
دارى-دارمەك پەن مەديسينالىق بۇيىمداردى ساتىپ الۋ جۇيەسىنىڭ تيىمدىلىگى مەن اشىقتىعى قامتاماسىز ەتىلىپ جاتقانى تۋرالى ايتتى. بۇدان بولەك، مەديسينالىق مەكەمەلەر جۇمىسىنىڭ تيىمدىلىگىن ارتتىرىپ، مىندەتتى الەۋمەتتىك مەديسينالىق ساقتاندىرۋعا باقىلاۋدى جاقسارتۋ ءۇشىن زاماناۋي سيفرلىق تەحنولوگيالار ازىرلەنگەن. ولار قولدانىسقا ەنگىزىلۋ ۇستىندە كەنىن باياندادى.
جاڭا مەديسينالىق نىساندار سالۋ جانە سالا قىزمەتتەرىنىڭ ساپاسىن ودان ءارى ارتتىرۋ ماسەلەلەرى قامتىلعان دەنساۋلىق ساقتاۋ ينفراقۇرىلىمىن دامىتۋدىڭ 2025-2030 جىلدارعا ارنالعان ستراتەگيالىق جوسپارى تۋرالى اقپارات بەردى. قابىلدانعان وسى تۇجىرىمداما اياسىندا دەنساۋلىق ساقتاۋ ۇيىمدارىنىڭ وڭتايلى جانە ءتيىمدى جەلىسىن قۇرۋعا باعىتتالعان 34 نەگىزگى جوبانى ىسكە اسىرۋ جوسپارلانىپ وتىر.
كەزدەسۋ سوڭىندا مەملەكەت باسشىسى انا مەن بالا ءولىمىنىڭ كورسەتكىشتەرىن تومەندەتۋ بويىنشا جۇمىستى جالعاستىرۋ قاجەت ەكەنىن اتاپ ءوتتى. سونىمەن قاتار مەديسينالىق كومەك كورسەتۋدىڭ مەيىلىنشە ناتيجەلى بولۋىنا نازار اۋدارا وتىرىپ، دەنساۋلىق ساقتاۋ جۇيەسىن ساپالى تۇردە قايتا قۇرۋ كەرەكتىگىنە توقتالدى. سونداي-اق سالاعا، ونىڭ ىشىندە دارى-دارمەككە بولىنەتىن قاراجاتتىڭ اشىقتىعى مەن تيىمدىلىگىن قامتاماسىز ەتۋ جونىندە مىندەتتەر جۇكتەدى.