وزبەكستان رەسپۋبليكاسى وليي ءماجىلىسى جۇمىس ىستەيتىن تۇرعىنداردىڭ كوروناۆيرۋسقا قارسى مىندەتتى ۆاكسينالانۋىنا قۇقىقتىق نەگىز بەرەتىن زاڭ جوباسىن ماقۇلدادى، دەپ حابارلايدى almaty-akshamy.kz coronavirus2020.kz سايتىنا سىلتەمە جاساپ.
ۆەدومستۆونىڭ باسپا ءسوز قىزمەتىنىڭ حابارلاۋىنشا، بۇگىن پلەنارلىق وتىرىستا دەپۋتاتتار وزبەكستان رەسپۋبليكاسىنىڭ «وزبەكستان رەسپۋبليكاسىنىڭ كەيبىر زاڭنامالىق اكتىلەرىنە تۇرعىنداردىڭ سانيتارلىق-ەپيدەميولوگيالىق جاعدايىن قامتامسىز ەتۋگە باعىتتالعان وزگەرىستەر مەن تولىقتىرۋلار ەنگىزۋ تۋرالى» زاڭىن ماقۇلدادى.
قۇجات پرەزيدەنت قول قويعان سوڭ جۇمىس ىستەيتىن تۇرعىنداردى مىندەتتى ۆاكسينالاۋ ىسىنە زاڭدى نەگىز قالايدى. وسى قۇجاتتىڭ قابىلدانۋىنا وراي «ازاماتتاردىڭ دەنساۋلىعىن قورعاۋ تۋرالى» زاڭ مەن ەڭبەك كودەكسىنە تۇزەتۋلەر ەنگىزىلەدى.
حالىق قالاۋلىلارىنىڭ پىكىرىنشە، زاڭ كۇشىنە ەنسە، قولدانىستاعى زاڭناماداعى قايشىلىقتار جويىلىپ، تۇرعىنداردى جاپپاي ۆاكسينالاۋ جۇمىسىن ۇيىمداستىرۋدىڭ زاڭدى نەگىزدەرى نىعايادى.
ايتا كەتەيىك، رەسپۋبليكادا ەپيدەميولوگيالىق جاعدايدىڭ كۇردەلەنۋىنە بايلانىستى 17 شىلدە كۇنى كوروناۆيرۋس بويىنشا ارنايى كوميسسيا ساۋدا، قوعامدىق تاماقتانۋ، قىزمەت كورسەتۋ، ءبىلىم بەرۋ سالالارىندا جۇمىس ىستەيتىن 18 جاستان اسقان ازاماتتاردى مىندەتتى ۆاكسينالاۋ جونىندە شەشىم قابىلدادى.
ۆاكسينالاۋعا اتالعاندارمەن قاتار اسكەريلەر مەن قۇقىق قورعاۋ ورگانىنىڭ وكىلدەرى دە جاتادى. وسى ماقساتتا ازاماتتاردىڭ اتالعان كاتەگوريالارى ساۋىقتىرۋ ەكپەلەرىنىڭ ۇلتتىق كۇنتىزبەسىنە ەنگىزىلدى.