وزبەكستان قازاقستانمەن اراداعى شەكاراسىن جاپتى

ەلگە اۋە تاسىمالى ارقىلى جەتەتىن ازاماتتارعا ەرەكشە ارتىقشىلىق جاسالعان

2022 جىلى 15 قاڭتاردان باستاپ وزبەكستان رەسپۋبليكاسىنىڭ قازاقستان رەسپۋبليكاسىمەن شەكتەسەتىن مەملەكەتتىك شەكاراسىن ەكى ەل ازاماتتارىنىڭ كەسىپ وتۋىنە ۋاقىتشا تىيىم سالىنادى، دەپ حابارلايدى Almaty-akshamy.kz Zakon.kz-كە سىلتەمە جاساپ.

بۇل «وميكرون-شتاممنىڭ» اينالىمعا شىعۋىنا بايلانىستى، دەپ حابارلايدى ءور ءسىم باسپا ءسوز قىزمەتى.

ەلگە اۋە تاسىمالى ارقىلى جەتەتىن ازاماتتارعا ەرەكشە ارتىقشىلىق جاسالعان، ياعني بۇل تىيىمنىڭ ولارعا قاتىسى جوق.

سونداي-اق ەلگە مىنانداي جاعدايدا كىرۋگە رۇقسات ەتىلەدى:
• ۇكىمەتارالىق فەلدەگەرلىك بايلانىس قىزمەتكەرلەرىنە؛
• جۇكتەردى حالىقارالىق تاسىمالداۋدى جۇزەگە اسىراتىن جۇرگىزۋشىلەرگە؛
• رەسمي (ۇكىمەتتىك) دەلەگاسيالاردىڭ قۇرامىندا بولاتىن ادامدارعا؛
• ديپلوماتيالىق وكىلدىكتەردىڭ، كونسۋلدىق مەكەمەلەر مەن حالىقارالىق ۇيىمداردىڭ قىزمەتكەرلەرىنە، سونداي-اق ولاردىڭ وتباسى مۇشەلەرىنە؛
• قازاقستان رەسپۋبليكاسىنىڭ اۋماعىندا ورنالاسقان وزبەكستان رەسپۋبليكاسى وبەكتىلەرىنىڭ، سونداي-اق وزبەكستان رەسپۋبليكاسىنىڭ اۋماعىندا ورنالاسقان قازاقستان رەسپۋبليكاسى وبەكتىلەرىنىڭ قىزمەت كورسەتۋشى پەرسونالدارىنا؛
• وسى مەملەكەتتەردە ينۆەستيسيالىق جوبالار شەڭبەرىندە جۇمىس ىستەيتىن وزبەكستان، سونداي-اق قازاقستان ازاماتتارىنا؛
• وزبەكستان رەسپۋبليكاسىندا تۇراقتى تۇراتىن قازاقستان رەسپۋبليكاسىنىڭ ازاماتتارىنا، سونداي-اق قازاقستان رەسپۋبليكاسىندا تۇراقتى تۇراتىن وزبەكستان رەسپۋبليكاسىنىڭ ازاماتتارىنا.