وڭىرلىك كوميسسيالار تۋرالى ەرەجە قابىلدانادى
الماتى وڭىرلىك كوممۋنيكاسيالار قىزمەتىنىڭ بريفينگىندە قالا اكىمىنىڭ ورىنباسارى ءىلياس وسەروۆ تەرروريستىك ارەكەتتەر بارىسىندا كاسىپكەرلەرگە كەلتىرىلگەن زالالدى انىقتاۋ تەتىگى تۋرالى ايتىپ بەردى، دەپ حابارلايدى Almaty-akshamy.kz.
اكىم ورىنباسارىنىڭ ايتۋىنشا، زالالدى باعالاۋدى قۇرامىنا تاۋەلسىز باعالاۋشىلار، اۋديتورلىق كومپانيالار، «اتامەكەن» ۇكپ، قۇقىق قورعاۋ ورگاندارى مەن قالا قۇرىلىسىن باقىلاۋ وكىلدەرى، ءماسليحات دەپۋتاتتارى كىرەتىن اۋداندىق جۇمىس كوميسسيالارى جۇرگىزەدى. اۋداندىق كوميسسيالاردىڭ شەشىمى زالالدى وتەۋ بويىنشا ءتيىستى تولەمدەر ءۇشىن نەگىز بولادى.
«جاقىن كۇندەرى بارلىق راسىمدەردى رەگلامەنتتەيتىن كاسىپكەرلەرگە كەلتىرىلگەن زالالدى وتەۋ تەتىگى، ونىڭ ىشىندە زالالدى وتەۋ تۋرالى شەشىم قابىلداۋ تەتىگى، وڭىرلىك كوميسسيالار تۋرالى ەرەجە قابىلداناتىن بولادى. قۇجات جوباسىن «اتامەكەن» ۇكپ ازىرلەپ، مەملەكەتتىك ورگاندارعا جىبەردى. بارلىق نورماتيۆتىك قۇجاتتار بەكىتىلگەننەن كەيىن InfoKazakhstan - دا قولجەتىمدى بولادى»، - دەدى اكىم ورىنباسارى.
ءىلياس وسەروۆ سونداي-اق كاسىپكەرلەرگە كەلتىرىلگەن زالالدى الماتى قالاسىنىڭ اكىمدىگى رەسپۋبليكالىق بيۋدجەت قاراجاتىنان وتەيتىنىن حابارلادى.
سونداي-اق زارداپ شەككەن كاسىپكەرلەرگە قالا اۋداندارىنداعى جاۋاپتى لاۋازىمدى تۇلعالاردىڭ نومىرلەرىن بەردى:
الاتاۋ اۋدانى – بەلگىبايەۆ ولجاس تالعات ۇلى 8 701 7779986
المالى اۋدانى – حايرۋللين ەردەن راشيد ۇلى 8 775 5555718
اۋەزوۆ اۋدانى – كەنەيەۆ رەنات باقداۋلەت ۇلى 8 708 6340056
بوستاندىق اۋدانى – سادۋاقاسوۆا جانار سەيىتجان قىزى 8 701 5019990
جەتىسۋ اۋدانى – اكەجانوۆ دامير نۇرسۇلتان ۇلى 8 705 7778130، 8 776 2222870
مەدەۋ اۋدانى – سولتانبايەۆ بەرىك بەكمىرزا ۇلى 8 705 4444060
ناۋرىزباي اۋدانى – داندىبايەۆ باعلان ەربول ۇلى 8 701 9594439
تۇركسىب اۋدانى – لەبايەۆ نايل مۇراتجان ۇلى 8 702 1809007.