بۇل ءىس كەلەر جىلى جۇزەگە اسۋى مۇمكىن.
كورشىمىز بيىل اقش جانە قىتايمەن كەلىسسوزدەردى قورىتىندىلاپ، ۇيىمعا مۇشە تاعى 20 مەملەكەتتىڭ قولداۋىنا يە بولدى. ەندى وزبەكستان الەمدىك ساۋدا ەرەجەلەرىنە قاراما-قايشى كەلەتىن جەڭىلدىكتەردى جويۋى ءتيىس، دەپ حابارلايدى aqshamnews.kz 24.kz-كە سىلتەمە جاساپ.
سونىمەن قاتار نارىقتا ءادىل باسەكەلەستىك ورناتىپ، بارشاعا تەڭ مۇمكىندىك ۇسىنۋعا مىندەتتى. دۇنيەجۇزىلىك بانكتىڭ باعالاۋى بويىنشا، كورشى مەملەكەت ساۋدا ۇيىمىنا قوسىلسا، الداعى 5-7 جىل ىشىندە جالپى ىشكى ءونىمىن 17 پروسەنتكە كوبەيتە الادى. ياعني ەكونوميكالىق ءوسىمىن جەدەلدەتەدى. جالپى وزبەكستاندىق ساراپشىلار قالىپتاسقان جاعدايدى قۇپ كورىپ وتىر.
ولاردىڭ ايتۋىنشا، الەمدىك ۇيىم تالاپتارى ەل ىشىندە نارىقتىق ەكونوميكانىڭ كەڭ قانات جايۋىنا جول اشادى. ەستەرىڭىزدە بولسا، ءبىزدىڭ ەل دۇنيەجۇزىلىك ساۋدا ۇيىمىنا 2015 جىلى قوسىلعان بولاتىن.