قازاقستان رەسپۋبليكاسىنىڭ باس پروكۋراتۋراسى جابىرلەنۋشىنىڭ ولىمىنە اكەپ سوققان اۋىر دەنە جاراقاتىن كەلتىرگەنى ءۇشىن قازاقستان ازاماتىن رەسەي فەدەراسياسىنان ەكستراديسيالادى.
اتالعان ادام 2021 جىلدىڭ ناۋرىز ايىندا تاعى دا جەكە تۇلعاعا قارسى اۋىر قىلمىس جاساعان، دەپ حابالايدى aqshamnews.kz باس پروكۋراتۋرانىڭ باسپا ءسوز قىزمەتىنە سىلتەمە جاساپ.
اتاپ ايتقاندا، كۇدىكتى قوستاناي قالاسىنداعى جابىرلەنۋشىنىڭ پاتەرىندە بىرگە الكوگولدىك ىشىمدىك ءىشۋ كەزىندە ءوزارا ارازدىق سالدارىنان جابىرلەنۋشىنىڭ باسى مەن دەنەسىنە كوپتەگەن جاساعان سوققىلار سالدارىنان جابىرلەنۋشى قايتىس بولدى.
جاۋاپتىلىقتان قۇتىلعىسى كەلگەن كۇدىكتى قاشىپ كەتكەن، سول سەبەپتى ول حالىقارالىق ىزدەۋگە جاريالانعان.
كۇدىكتى ىزدەۋدە جۇرگەندە رەسەي اۋماعىندا قاراقشىلىق شابۋىل جاساپ، سول ءۇشىن رەسەي سوتىمەن سوتتالعان.
كورشى مەملەكەتتە جازاسىن وتەگەننەن كەيىن قازاقستان رەسپۋبليكاسى باس پروكۋراتۋراسىنىڭ سۇراۋى بويىنشا وتانىنا ەكستراديسيالانىپ، قازىرگى ۋاقىتتا تەرگەۋ يزولياتورىنا قامالدى.
جابىرلەنۋشىنىڭ ولىمىنە اكەپ سوقتىرعان اۋىر دەنە جاراقاتىن كەلتىرگەنى ءۇشىن ول 8 جىلدان 12 جىلعا دەيىن باس بوستاندىعىنان ايىرۋ جازاسى قاراستىرىعان.