اۋعانستان يسلام امىرلىگىنىڭ جوعارعى كوشباسشىسى حايباتۋللا احۋندزادا ءۇي تەرەزەسىنەن دە ايەلدەرگە قاراۋعا تىيىم سالاتىن جارلىق شىعاردى.
بۇل جايىندا aqshamnews.kz. islam.kz پورتالىنا سىلتەمە جاساي وتىرىپ ءمالىم ەتەدى. سونداي-اق، اۋعانستان بيلىگىندەگى تالىپتەر باسشىسى ءوز جارلىعىندا تۇرعىن ءۇي قۇرىلىسىن ايەل ادام كورىنبەيتىندەي ەتىپ جوبالاۋعا تاپسىرما بەرگەن ەكەن. دالىرەگى، ۇيدەگى ايەل ادام كورشىلەرىنە دە كورىنبەيتىندەي ەتىپ سالىنۋى ءتيىس. سولنىڭ ىشىندە ءاسۇي بولمەسىنىڭ تەرەزەسى كوشە جاققا قاراماۋى ءتيىس. بۇدان وزگە، تەرەزە باسقا تۇرعىن ۇيگە قاراي اشىلعاندا ونىڭ الدىنا ادام بويىنىڭ بيىكتىگىمەن بىردەي قابىرعا ءتارىزدى سىرت كوزدەن تاسالايتىن دۋال تۇرعىزۋ قاجەتتىلىگى دە اتاپ وتىلگەن.