ق ر مادەنيەت جانە سپورت ءمينيسترىنىڭ بۇيرىعىمەن سپورت سالاسىنداعى ءبىرقاتار باعىنىستى ۇيىمداردىڭ باسشىلارى تاعايىندالدى، دەپ حابارلايدى اlmaty-akshamy.kz مينيسترلىكتىڭ رەسمي سايتىنا سىلتەمە جاساپ.
ماراتبەك مىقتىبەكوۆ «سپورتتى دامىتۋ ديرەكسياسى» رمقك ديرەكتورى قىزمەتىنە تاعايىندالدى.
ماراتبەك مىقتىبەكوۆ 1981 جىلى تۇركىستان وبلىسىندا دۇنيەگە كەلگەن. سامبو مەن دزيۋدودان حالىقارالىق دارەجەدەگى سپورت شەبەرى، سامبودان جاسوسپىرىمدەر اراسىنداعى الەم چەمپيونى، دزيۋدودان جاسوسپىرىمدەر اراسىنداعى الەم چەمپيوناتىنىڭ قازاقستان تاريحىنداعى ءبىرىنشى جۇلدەگەرى، قازاق كۇرەسىنەن سپورت شەبەرى. كوپ جىلدار بويى سپورت سالاسىندا ءتۇرلى لاۋازىمداردا، ونىڭ ىشىندە كۇرەس تۇرلەرى بويىنشا وليمپيادالىق دايارلاۋ ورتالىعىنىڭ ديرەكتورى، دزيۋدو فەدەراسياسىنىڭ ءبىرىنشى ۆيسە-پرەزيدەنتى، ازيا بوكس كونفەدەراسياسى اتقارۋشى ديرەكتورىنىڭ كەڭەسشىسى، قازاقستان بوكس فەدەراسياسى پرەزيدەنتىنىڭ كەڭەسشىسى، قازاقستان بوكس فەدەراسياسىنىڭ اتقارۋشى ديرەكتورى قىزمەتىن اتقارعان.
باقداۋلەت ءسابيتوۆ «ۇلتتىق جانە ات سپورتى تۇرلەرى ورتالىعى» رمقك ديرەكتورى بولىپ تاعايىندالدى.
باقداۋلەت ءسابيتوۆ 1992 جىلى 6 ساۋىردە وڭتۇستىك قازاقستان وبلىسىندا دۇنيەگە كەلگەن. 2014 جىلى ل.ن. گۋميليەۆ اتىنداعى ەۋرازيا ۇلتتىق ۋنيۆەرسيتەتىن بىتىرگەن. حالىقارالىق دارەجەدەگى سپورت شەبەرى، قازاقشا كۇرەس پەن سامبودان ازيا چەمپيونى. «ەۋرازيا بارىسى» ءتۋرنيرىنىڭ ءۇش دۇركىن جەڭىمپازى، دزيۋدودان ەۋروپا كۋبوگىنىڭ يەگەرى، الەمدىك گران-پري جۇلدەگەرى. ءار جىلدارى «قازاقستان رەسپۋبليكاسىنىڭ قازاقشا كۇرەس فەدەراسياسى» قاۋىمداستىعىنىڭ باس ديرەكتورى، Qazaq kuresi قاۋىمداستىعىنىڭ دامۋ جونىندەگى ديرەكتورى جانە ت. ب. قىزمەتتەردى اتقارعان.
رىسبەك قىدىربەك «دەنە شىنىقتىرۋ جانە سپورت جونىندەگى رەسپۋبليكالىق وقۋ-ادىستەمەلىك جانە تالداۋ ورتالىعى» رمقك ديرەكتورى قىزمەتىنە تاعايىندالدى.
رىسبەك قىدىربەك 1962 جىلى 14 شىلدەدە اقمولا وبلىسىندا دۇنيەگە كەلگەن. 1985 جىلى قازاق پەداگوگيكا ينستيتۋتىن بىتىرگەن. 2004 جىلى ا.بايتۇرسىنوۆ اتىنداعى قوستاناي مەملەكەتتىك ۋنيۆەرسيتەتىنىڭ دەنە شىنىقتىرۋ جانە سپورت فاكۋلتەتىن ءتامامداعان. ءار جىلدارى قازاقستان رەسپۋبليكاسىنىڭ تۋريزم جانە سپورت جونىندەگى اگەنتتىگىندە، ق. مۇڭايتپاس ۇلى اتىنداعى رەسپۋبليكالىق سپورت ينتەرناتىنىڭ ديرەكتورى، وڭتۇستىك قازاقستان وبلىسى دەنە شىنىقتىرۋ جانە سپورت باسقارماسىنىڭ باسشىسى، قىسقى سپورت تۇرلەرى بويىنشا رەسپۋبليكالىق جوعارى سپورت شەبەرلىگى مەكتەبىنىڭ ديرەكتورى جانە ت. ب. قىزمەتتەردە بولعان.
ەرنار يبرايموۆ «رەسپۋبليكالىق سپورت كوللەدجى» رمقك ديرەكتورى قىزمەتىنە تاعايىندالدى.
ەرنار يبرايموۆ 1984 جىلى 15 ناۋرىزدا جامبىل وبلىسىندا دۇنيەگە كەلگەن. م.ح. دۋلاتي اتىنداعى تاراز مەملەكەتتىك ۋنيۆەرسيتەتىنىڭ تۇلەگى. 2011-2018 جىلدارى جامبىل وبلىسىنىڭ وليمپيادا رەزەرۆىن دايارلاۋ ورتالىعىنىڭ ديرەكتورى، 2018-2022 جىلدارى الماتى قالاسىنىڭ «شاڭىراق» شاعىناۋدانىنداعى «رەسپۋبليكالىق مامانداندىرىلعان وليمپيادالىق رەزەرۆ مەكتەپ - ينتەرنات-كوللەدجى» رمم ديرەكتورى قىزمەتىن اتقارعان.
مەدەت تورعايەۆ الماتى قالاسىنىڭ «شاڭىراق» شاعىناۋدانىنداعى «وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ-ينتەرنات-كوللەدجى» رمم ديرەكتورى قىزمەتىنە تاعايىندالدى.
مەدەت تورعايەۆ 1986 جىلى 20 ناۋرىزدا الماتى وبلىسىندا دۇنيەگە كەلگەن. سپورت جانە تۋريزم اكادەمياسىنىڭ تۇلەگى. ەڭبەك جولىن سامبودان جاتتىقتىرۋشى-وقىتۋشىلىقتان باستاعان، سپورت جانە دەنە شىنىقتىرۋ ىستەرى اگەنتتىگى مەن ق ر مادەنيەت جانە سپورت مينيسترلىگىنىڭ قۇرىلىمدارىندا ۇلكەن جۇمىس تاجىريبەسى بار. تاعايىندالعانعا دەيىن 2017-2022 جىلدار ارالىعىندا الماتى قالاسىنىڭ «شاڭىراق» شاعىناۋدانىنداعى «وليمپيادا رەزەرۆىنىڭ رەسپۋبليكالىق مامانداندىرىلعان مەكتەپ-ينتەرنات-كوللەدجى» رمم ديرەكتورىنىڭ سپورت جونىندەگى ورىنباسارى قىزمەتىن اتقارعان.