«الەم چەمپيوناتىنداعى مەدالدار جولىندا قازاقستانعا ساتتىلىك تىلەيمىز!». وزبەكستان نەگە كورشىلەرى ءۇشىن جانكۇيەر بولۋدا؟
وزبەكستاندا ءوتىپ جاتقان فۋتزالدان الەم چەمپيوناتىندا قازاقستان ۇلتتىق قۇراماسى جانكۇيەرلەردى قۋانتا تۇسۋدە. مۇمكىن، بۇل كورشىلەس مەملەكەتتە وزدەرىن ءوز ۇيىندەگىدەي سەزىنگەندىكتەن بولار. ءاندىجانداعى ويىندار ءوز الاڭىمىزداعى كەزدەسۋلەرگە كوبىرەك ۇقسايدى، اسىرەسە 2016 جىلى كولۋمبياداعى چەمپيوناتپەن سالىستىرعاندا. قازاقستاندىق ويىنشىلارعا وزبەك جانكۇيەرلەرىنىڭ قولداۋى دا ايقىن سەزىلۋدە.
Prosports.kz ءتىلشىسى Championat.asia سايتىنىڭ رەداكتورى جانە Sport Universal تەلەگرام-ارناسىنىڭ اۆتورى ازيز تۋحتامۋرادوۆپەن سۇحباتتاسىپ، وزبەكستاندا فۋتزالدىڭ دامۋ دەڭگەيى جانە الەم چەمپيوناتىنىڭ ۇيىمداستىرىلۋى تۋرالى كەيبىر سۇراقتاردى ءتۇسىندىردى.
تۋحتامۋرادوۆتىڭ ايتۋىنشا، وزبەكستاندا فۋتزال تانىمال سپورت ءتۇرى رەتىندە دامىپ كەلەدى، جانە وزبەك جانكۇيەرلەرى كورشى قازاقستان قۇراماسىنا دا قولداۋ كورسەتىپ جاتىر.
- ازيز، وزبەكستاندا فۋتزالدىڭ قازىرگى تانىمالدىعى قانداي دارەجەدە؟
- ءبىزدىڭ ەلدە فۋتزال باسقا سپورت تۇرلەرىمەن قاتار دامىپ كەلەدى. وزبەكستاننىڭ فۋتزال قۇراماسى بۇعان دەيىن ەكى رەت الەم چەمپيوناتىنا قاتىسىپ، 2021 جىلى ليتۆادا وتكەن تۋرنيردە توپتىق كەزەڭنەن شىعا الدى. سونىمەن قاتار، ءبىز ازيا چەمپيوناتىنىڭ فينالىنا بىرنەشە رەت شىققانبىز.
- وزبەكستاندا ءوتىپ جاتقان الەم چەمپيوناتى جانكۇيەرلەر اراسىندا ۇلكەن قىزىعۋشىلىق تۋدىردى ما؟
- ارينە. مۇنداي بەدەلدى جارىستىڭ ءبىزدىڭ ەلدە ءوتۋى جانكۇيەرلەردى بەي-جاي قالدىرمايدى. تاشكەنت، ءاندىجان جانە بۇحارا قالالارىنداعى ارەنالارداعى جانكۇيەرلەردىڭ بەلسەندىلىگىنەن كورىنىپ تۇر. «حۋمو ارەنا» تولىقتاي جانكۇيەرلەرمەن تولى، اسىرەسە، وزبەكستان قۇراماسىنىڭ ويىندارى كەزىندە.
- بۇرىن وزبەك فۋتزالشىلارى قازاقستان چەمپيوناتىندا وينايتىن ەدى. ءقازىر وزبەكستان قۇراماسىندا تەك وزبەك كلۋبتارىنىڭ ويىنشىلارى بار ما؟ ەلدە فۋتزالعا قاراجات كوپ بولىنە مە؟ وزبەكستان چەمپيوناتى جوعارى دەڭگەيدەگى تۋرنيرگە اينالدى ما؟
- ءبىزدىڭ فۋتزال ءبىر كەزدەرى قارجىلاي قيىندىقتار كوردى. دەگەنمەن، بۇگىندە وزبەك فۋتزالىنىڭ دامۋىنا جان-تانىمەن بەرىلگەن ادامدار بۇل سپورتتىڭ وركەندەۋىنە ەڭبەك ەتۋدە. وزبەكستان فۋتزال چەمپيوناتى ءقازىر جوعارى دەڭگەيدە ۇيىمداستىرىلادى.
- تاشكەنتتەن باسقا الەم چەمپيوناتىنىڭ ماچتارى ءاندىجان مەن بۇحارادا دا وتۋدە. بۇل تۋرنير ءۇشىن جاڭا سپورت كەشەندەرى سالىندى ما، الدە بۇرىننان جۇمىس ىستەپ تۇرعاندارىن قولدانىپ جاتىر ما؟
- تاشكەنتتەگى ويىندار «حۋمو ارەنادا» وتەدى. بۇل كەشەن 2019 جىلى پايدالانۋعا بەرىلدى. بۇعان دەيىن بۇل جەردە دزيۋدو جانە بوكس بويىنشا الەم چەمپيوناتتارى، كاسىبي بوكس كەشتەرى ءوتتى، سونداي-اق قازاقستان چەمپيوناتىندا وينايتىن «حۋمو» حوككەي كومانداسىنىڭ ماچتارى، كونسەرتتەر ۇيىمداستىرىلدى. ءاندىجانداعى كەشەن 2022 جىلى پايدالانۋعا بەرىلدى. بيىل بۇحارادا جاڭا سپورت زالى اشىلدى.
- قازاقستان قۇراماسىنىڭ ويىنشىلارى وزبەكستاندا وزدەرىن ۇيدەگىدەي سەزىنەتىنىن ايتىپ جاتىر، ويتكەنى ءبىزدىڭ ەلدەن كەلگەن جانكۇيەرلەرمەن بىرگە ولارعا جەرگىلىكتى جانكۇيەرلەر دە قولداۋ كورسەتۋدە. مۇنى كورشى ەلدىڭ قولداۋى دەپ ساناۋعا بولا ما؟ وزبەك جانكۇيەرلەرى تاجىكستان نەمەسە اۋعانستان قۇرامالارىن دا ءدال سولاي قولداي ما؟
- ءدال سولاي. ءبىزدىڭ جانكۇيەرلەر – كورشى ەلدەردىڭ، سونىڭ ىشىندە قازاقستان، تاجىكستان جانە اۋعانستان كوماندالارىنىڭ دا جانكۇيەرلەرى. مۇنداي قولداۋ ءسوزسىز كورشىلەرىمىزگە كومەكتەسەدى دەپ ويلايمىن. مەن جۇمىس ىستەيتىن Championat.asia سايتىنداعى تەلەگرام-كانالدا وزبەك جانكۇيەرلەرىنىڭ قازاقستان قۇراماسىنىڭ ماچىندا قالاي قولداۋ كورسەتكەنىن كورە الاسىز.
- ءسىزدىڭ ويىڭىزشا، بۇل الەم چەمپيوناتى وزبەكستان ءۇشىن ۇلكەن سپورتتىق مەرەكە دەپ ايتۋعا بولا ما؟
- ارينە. مۇنداي دەڭگەيدەگى جارىستار سپورت سۇيەر قاۋىم ءۇشىن ۇلكەن مەرەكە بولدى. جارىس وتەتىن ارەناعا ادامدار وتباسىمەن، بالالارىمەن كەلەدى. اتموسفەرا وتە كەرەمەت. مەنىڭ ويىمشا، سپورتقا قىزىعۋشىلىعى بار ادام ءۇشىن مۇنداي جارىستاردى تريبۋنادان تاماشالاۋ ناعىز مەرەكە.
- وزبەكستان قۇراماسى وسى الەم چەمپيوناتىندا نە كۇتە الادى دەپ ويلايسىز؟ ال قازاقستان كومانداسى قانداي جەتىستىكتەرگە جەتە الادى؟
- وزبەكستاننىڭ فۋتزال قۇراماسى الەم چەمپيوناتىندا ەكى ويىن وتكىزىپ، 1 ۇپاي جينادى. ارينە، ءبىز جىگىتتەرىمىزدەن كوبىرەك ناتيجە كۇتكەن ەدىك. ءبىراق، ءتىپتى وسىلاي بولسا دا، قۇرامانىڭ پلەي-وففقا شىعۋ مۇمكىندىگى بار. ءبىر جەڭىس ءبىزدىڭ مەملەكەتتىڭ وكىلدەرىنە 1/8 فينالدا ويناۋعا مۇمكىندىك بەرەدى. ءبىز وزبەكستان قۇراماسىنىڭ مۇمكىندىگىنشە الىسقا باراتىنىن كۇتەمىز.
قازاقستان قۇراماسىنا كەلەر بولساق، سىزدەردىڭ كوماندا فۋتزالداعى فاۆوريتتەردىڭ ءبىرى بولىپ سانالادى. قازاقستاندىقتاردىڭ توپتان ءبىرىنشى ورىنمەن شىعۋعا مۇمكىندىگى بار. سىزدەردىڭ قۇرامالارىڭىزدىڭ الەم چەمپيوناتىندا مەدال الۋ مۇمكىندىگى وتە جوعارى – جانە ءبىز كورشىلەرىمىزگە وسى جولدا ساتتىلىك تىلەيمىز!
سۇحباتتى اۋدارعان: aqshamnews.kz