قازاقستان رەسپۋبليكاسى پرەزيدەنتىنىڭ جانىنداعى قازاقستاننىڭ ستراتەگيالىق زەرتتەۋلەر ينستيتۋتىنىڭ تاپسىرىسى بويىنشا «دەموكراتيا ينستيتۋتى» عىلىمي-زەرتتەۋ قورى 2024 جىلدىڭ 18 تامىزى مەن 17 قىركۇيەگى ارالىعىندا الەۋمەتتانۋلىق زەرتتەۋ جۇرگىزدى. ساۋالناماعا 18 جاستان اسقان 8 مىڭ رەسپوندەنت قاتىستى، دەپ حابارلايدى aqshamnews.kz
XXI عاسىردا ەنەرگەتيكا ەكونوميكالىق تۇراقتىلىققا، ەكولوگياعا جانە حالىقتىڭ ءومىر ءسۇرۋ ساپاسىنا ايتارلىقتاي ىقپال ەتەتىن جاھاندىق دامۋ فاكتورى بولىپ تابىلادى. قازاقستان ۋران قورى بويىنشا الەمدە الدىڭعى قاتاردا بولا وتىرىپ، ەلەكتر قۋاتى تاپشىلىعىن شەشۋ ماقساتىندا اتوم ەلەكتر ستانسياسىن سالۋدى قاراستىرىپ وتىر.
ساۋالناما ناتيجەلەرى بويىنشا رەسپوندەنتتەردىڭ 59،2%-ى رەفەرەندۋمعا قاتىسۋعا دايىن ەكەنىن ءبىلدىردى. ونىڭ 41،6%-ى ناقتى قاتىساتىنىن ايتقان. سونىمەن قاتار، 20% ءالى شەشىم قابىلداماعانىن، ال 17% رەفەرەندۋمعا قاتىسپايتىنىن مالىمدەگەن.
اەس قۇرىلىسىن قولداۋشىلاردىڭ سانى ايتارلىقتاي ءوستى: تامىز ايىنداعى ساۋالنامادا 53،1% قولداۋ كورسەتسە، قىركۇيەككە قاراي بۇل كورسەتكىش 60،2%-عا جەتكەن. رەسپوندەنتتەردىڭ 24،9%-ى اەس قۇرىلىسىنا قارسى ەكەنىن بىلدىرگەن. ولار اەس-نىڭ ادام دەنساۋلىعى مەن قورشاعان ورتاعا اسەرى تۋرالى اقپاراتقا ەرەكشە ءمان بەرگەن.
زەرتتەۋ جەكە سۇحبات (face-to-face) ادىسىمەن جۇرگىزىلدى. ساۋالناماعا 17 وبلىس پەن رەسپۋبليكالىق ماڭىزى بار ءۇش قالا – استانا، الماتى، شىمكەنتتىڭ 18 جاستان اسقان تۇرعىندارى قاتىستى. جالپى ىرىكتەۋ كولەمى 8000 رەسپوندەنتتى قۇرادى. ستاتيستيكالىق قاتەلىك 2،9%-دان اسپايدى.
بۇل زەرتتەۋ اتوم ەلەكتر ستانسياسى قۇرىلىسىنا قاتىستى ۇكىمەت، ساراپشىلار مەن حالىق اراسىنداعى اشىق ديالوگتىڭ ماڭىزدىلىعىن كورسەتىپ وتىر.