ءوز وتانىمىزعا جانىمىز اشۋى كەرەك - قوعام بەلسەندىسى

سوندا العا ىلگەرىلەيمىز

پرەزيدەنت وتە وزەكتى ماسەلەلەردى كوتەردى. سونىمەن بىرگە، مينيسترلىكتەر مەن كوميتەت باسشىلارىنا ءبىرقاتار ناقتى تاپسىرمالار بەرىلدى. سونىڭ ىشىندە «تۇراقتى قور» تۋرالى وي ايتىلدى. بيىلدىڭ وزىندە 18-19% ينفلياسيا ورىن الدى، دەگەن ويىن جەتكىزدى ەكونوميست،قوعام بەلسەندىسى بەكنۇر قيسىقوۆ، دەپ حابارلايدى Almaty-akshamy.kz. 
دۇكەندەردەگى باعا شارىقتاپ بارادى. سونىڭ بارىنە تۇراقتى باعا جاساۋ قاجەت. وسىنشاما قارجى مەملەكەت تاراپىنان ءبولىندى. ءبىراق ازىق-تۇلىك باعاسى ءوسىپ بارادى. وسىعان وراي، اتقامىنەرلەر ناقتى ىستەر قابىلداۋى كەرەك ەدى. الايدا، ىستەلىپ جاتقان ىستەر ءوز ناتيجەسىن بەرمەۋدە دەگەن پىكىرىن دە جاسىرمادى ول. 

«قازىرگى تاڭدا ەڭ وزەكتى ماسەلە، ول – قانت. ءوز جەرىمىزدە شىعارىلاتىن ءونىمنىڭ قۇنىنىڭ كۇرت ءوسۋى كۇمان تۋدىرادى. نەگە ولاي؟ بۇل جاعىن ءدوپ باسىپ ەشكىم ايتا المايدى. ەڭ باستىسى، ينفلياسيانى تەزدەتىپ تەجەمەسە بولمايدى. ەلىمىزدەگى بۇرىننان كەلە جاتقان قانت زاۋىتتارىنىڭ جۇمىسىنا ساراپتاما جۇرگىزىلۋ قاجەت. وسىدان كەيىن بارىپ ناتيجە شىعارا الامىز. جالپى ۇكىمەت وتىرىسىندا ايتىلعان يگى ويلار مەن ناقتى تاپسىرمالاردى كەزەك كۇتتىرمەي ورىنداۋ قاجەت. سوندا العا ىلگەرىلەيمىز»، - دەدى قوعام بەلسەندىسى.