اۋا رايىنا قاتىستى ەسكەرتۋ جاريالاندى
الماتى قالالىق توتەنشە جاعدايلار دەپارتامەنتى قازگيدرومەتكە سىلتەمە جاساپ اۋا رايىنا قاتىستى ەسكەرتۋ جاريالادى، دەپ حابارلايدى Almaty-akshamy.kz.
17 شىلدە كۇنى الماتىدا سىناپ باعاناسى 36 گرادۋسقا دەيىن كوتەرىلەدى.
وسىعان بايلانىستى تجد تومەندەگى قاۋىپسىزدىك شارالارىن ساقتاۋدى ۇسىنادى:
– كۇن ساۋلەسى تىكەلەي تۇسەتىن جەرلەردە مۇمكىندىگىنشە از بولۋعا تىرىسىڭىز. ەسىڭىزدە بولسىن، ساعات 12:00-دەن 16.00-گە دەيىنگى ۋاقىتتا كۇننىڭ ساۋلەسى بەلسەندى بولادى.
دەنەنى كۇن ساۋلەسىنەن قورعاپ، جابىق كيىم كيىڭىز جانە كۇننەن قورعايتىن جاقپالار قولدانىڭىز؛
–ىشىمدىك ىشپەڭىز
– الكوگول ىستىقتا اعزاعا تەز اسەر ەتەدى جانە دەنە جوعارى تەمپەراتۋراعا سەزىمتال بولادى؛ – سۇيىقتى (سالقىنداتىلعان سۋ، مينەرالدى سۋ) مۇمكىندىگىنشە كوپ ءىشىڭىز؛
– دەنەگە سالماق تۇسىرمەڭىز. ارتىق جۇكتەمە ىستىقتا جىلۋ الماسۋدى ارتتىرادى دا اعزانى سۋسىزدانۋعا اكەپ سوقتىرادى؛
– اۆتوكولىكپەن ۇزاق ساپاردى شەكتەۋىڭىز كەرەك. ەگەر بۇل مۇمكىن بولماسا، جولدا مۇمكىندىگىنشە اباي بولىڭىز. سەبەبى، قاتتى ىستىقتان كوڭىل كۇي تومەندەپ، ادام ءوزىن-وزى ناشار سەزىنۋى مۇمكىن جانە اينالاعا رەاكسيا تومەندەيدى؛
–بالالاردى كولىكتىڭ ىشىنە از ۋاقىتقا بولسا دا قالدىرماڭىز. قاتتى ىستىقتان بالا ەسىنەن تانىپ قالۋى مۇمكىن؛
- ەگەر توتەنشە جاعدايعا تاپ بولساڭىز جانە ومىرىڭىزگە ءقاۋىپ تونسە، «112»، «101» ءبىرىڭعاي قۇتقارۋ قىزمەتىنە قوڭىراۋ شالىڭىز (قوڭىراۋ شالۋ تەگىن).
«ىستىق اۋا رايى، اسىرەسە جۇرەك-قان تامىرلارى اۋرۋلارىمەن، ارتەريالىق گيپەرتەنزيامەن اۋىراتىن ادامدار ءۇشىن، سونداي-اق ينفاركت پەن ينسۋلت ءقاۋپى بار ادامدارعا وتە ءقاۋىپتى»،- دەپ ەسكەرتتى قالالىق توتەنشە جاعدايلار دەپارتامەنتىنەن.