وپەراسيا 2،5 ساعاتقا سوزىلدى.
كلينيكالىق اۋرۋحاناعا ەكىنشى قاباتتان قۇلاعان 45 جاسار پاسيەنتتىڭ اۋىر حالدە ەكەنى انىقتالىپ، ومىرتقا جوتاسىنا كۇردەلى وپەراسيا جاسالدى، دەپ حابارلايدى Almaty-akshamy.kz وقكا باسپا ءسوز قىزمەتىنە سىلتەمە جاساپ.
ورتالىق قالالىق كلينيكالىق اۋرۋحاناعا جەتكىزىلگەن ەر ادامعا «جۇلىنىنىڭ فۋنكسياسىنىڭ بۇزىلۋىمەن بەل ومىرتقاسىنىڭ 3-ساتىلى اسقىنعان سىنىعى جانە اياعىنىڭ پاراپەرەزى (پاراليچ)، جامباس ورگاندارى فۋنكسياسىنىڭ بۇزىلۋى، توبىعىنىڭ سىنۋى» دەگەن دياگنوز قويىلدى.
ومىرتقاسىنىڭ ترانسپەديكۋليارلى فيكساسياسى اتالاتىن وپەراسيانى وقكا نەيروحيرۋرگى تالعات سارسەنبايەۆ جاسادى.
«ومىرتقالارىن يمپلانتتار (ترانسپەديكۋليار بۇراندالار) ارقىلى تۇراقتاندىرۋ ءۇشىن حيرۋرگيالىق وپەراسيا جاسالدى. وسى بۇراندالاردى ورناتۋدىڭ ارقاسىندا ومىرتقا تىرەك تاۋىپ سەنىمدى تۇردە فيكساسيالاناتىن بولادى. ترانسپەديكۋليارلى فيكساسيا سۇيەكتەردىڭ قالپىنا كەلۋ كەزىندە ءبىر بىرىمەن ىعىسىپ كەتۋىن بولدىرمايتىنداي دۇرىس جانە تەز ءوسۋىن قامتاماسىز ەتەدى. وپەراسيا ءساتتى ءوتتى، ەكىنشى كۇنى پاسيەنت ءوز بەتىمەن وتىرا الدى جانە توبىعىنىڭ سىنىعى جازىلعاننان سوڭ جۇرە الاتىن بولادى»، - دەدى ەرمەك سۇلەيمەنوۆ.
وپەراسيا 2،5 ساعاتقا سوزىلدى. ايتا كەتەتىن نارسە، ورتالىق قالالىق كلينيكالىق اۋرۋحانادا نەيروحيرۋرگيالىق بولىمشە قاراستىرىلعان، وندا باس مي تامىرىنا، سونداي-اق ومىرتقاعا ەڭ قيىن وپەراسيالار جاسالادى. ماماننىڭ ايتۋىنشا، مۇنداي وپەراسيانى جۇرگىزۋ ءۇشىن كلينيكا بارلىق قاجەتتى جوعارى تەحنولوگيالىق جابدىقتارمەن قامتىلعان.