«جولاۋشىلار تاسىمالى» اق 2024 جىلعى جۇمىسىن قورىتىندىلاپ، 2025 جىلعا ارنالعان جوسپارىمەن بولىسكەن كەڭەيتىلگەن جيىن وتكىزدى.
كەزدەسۋدە جولاۋشىلار تاسىمالىن جۇزەگە اسىراتىن كومپانيانىڭ بارلىق فيليالدارى باسشىلارىنىڭ وتكەن جىلى اتقارعان جۇمىسىنىڭ ەسەبى جانە وسى جىلعا جوسپارى تىڭدالدى، دەپ حابارلايدى aqshamnews.kz.
Rail-news.kz مالىمتىنشە، جيىندا 2023-2024 جىلعى قوزعالىس قاۋىپسىزدىگى كورسەتكىشتەرى دە ءسوز بولدى. قوزعالىس قاۋىپسىزدىگىن قامتاماسىز ەتۋ ءۇشىن اتالعان مەرزىم ارالىعىندا جولاۋشىلار تاسىمالى شارۋاشىلىعى كاسىپورىندارىنا جوسپارلى، ماقساتتى، جوسپاردان تىس تەكسەرۋلەر جۇرگىزىلگەن. 2024 جىلى ۇلتتىق تاسىمالداۋشىنىڭ پويىزدارىمەن 13،6 ميلليون جولاۋشى تاسىمالداندى. ەڭ تانىمال باعىتتار استانا – الماتى، استانا – شىمكەنت، الماتى – شىمكەنت، استانا – سەمەي جانە الماتى – سەمەي بولىپ وتىر. جازعى ماۋسىمدا تاسىمال كولەمى 4،2 ميلليون جولاۋشىنى قۇرادى، بۇل 2023 جىلمەن سالىستىرعاندا جوعارى كورسەتكىش.
بۇگىنگى تاڭدا قوعامدا 2 171 ۆاگون بولسا، سونىڭ 1 325ء-ى ستاندارتتى، 732ء-سى تالگو، 114ء-ى مۆجق ۆاگوندار. ۆاگونداردىڭ ورتاشا جىلى – 17 جىل. الداعى جوسپارعا ساي 2025 جىلدىڭ سوڭىنا دەيىن وتاندىق وندىرىستەن شىققان مۆجق بويىنشا 12 ۆاگون، «زيكستو» ج ش س 107 ۆاگون، «شتادلەردەن» 51 ۆاگون جەتكىزۋ كوزدەلۋدە.