لاۋازىمدىق جالاقىلارى 20،3% وسكەن.
2021 جىلى قازاقستان رەسپۋبليكاسىندا ءبىر قىزمەتكەردىڭ ورتاشا ايلىق جالاقىسى 2020 جىلمەن سالىستىرعاندا 17،5%-عا ءوستى، دەپ حابارلايدى Almaty-akshamy.kz.
«جالاقىنىڭ ءوسۋى نەگىزىنەن تاريفتىك مولشەرلەمەلەر مەن لاۋازىمدىق جالاقىلاردىڭ، سونداي-اق ءبىرجولعى تولەمدەر مەن سىيلىقاقى كولەمىنىڭ ۇلعايۋى ەسەبىنەن بولدى. ورتا ەسەپپەن 2021 جىلى كاسىپورىندار مەن ۇيىمدار قىزمەتكەرلەرىنىڭ تاريفتىك مولشەرلەمەلەرى مەن لاۋازىمدىق جالاقىلارى 20،3%-عا ءوستى. لاۋازىمدىق جالاقىلاردىڭ ەڭ جوعارى ءوسىمى 2021 جىلى ءبىلىم بەرۋ جانە دەنساۋلىق ساقتاۋ سالاسىندا تىركەلدى، تيىسىنشە 28،1%-عا جانە 34،4%-عا، سونداي-اق كوتەرمە جانە بولشەك ساۋدا سالاسىندا 25،9%-عا ءوستى»، - دەلىنگەن ۇلتتىق ستاتيستيكا بيۋروسىنىڭ حابارلاماسىندا.
ونەركاسىپ، قۇرىلىس جانە كولىك قىزمەتكەرلەرىنىڭ لاۋازىمدىق جالاقىلارى 2020 جىلعى دەڭگەيمەن سالىستىرعاندا ورتا ەسەپپەن 12-15%-عا ءوستى. ونەر، ويىن-ساۋىق جانە دەمالىس، سونداي-اق تۇرۋ جانە تاماقتانۋ قىزمەتتەرى قىزمەتكەرلەرىنىڭ لاۋازىمدىق جالاقىسى وزگەرىسسىز قالدى.
قارجى جانە ساقتاندىرۋ قىزمەتى، ونەركاسىپ، سونداي-اق كولىك جانە قويمالاۋ؛ كوتەرمە جانە بولشەك ساۋدا قىزمەتكەرلەرى ەڭبەكاقىسىنىڭ جوعارى دەڭگەيدە بولۋى ونىڭ ۇشتەن ءبىر بولىگىنىڭ سىيلىقاقىلار مەن ءبىرجولعى تولەمدەر ەسەبىنەن قامتاماسىز ەتىلۋىمەن بايلانىستى.