اسحات ايماعامبەتوۆ مەكتەپ جاسىنداعى وقۋشىلاردىڭ حيدجاب كيۋى ماسەلەسىنە قاتىستى ويىمەن ءبولىستى، دەپ حابارلايدى Almaty-akshamy.kz Egemen.kz-كە سىلتەمە جاساپ.
«مينيسترلىكتىڭ ءتيىستى بۇيرىعى بار. ءبىز – زايىرلى مەملەكەتپىز. مەكتەپتەر دە - زايىرلى مەكەمە. 2016 جىلدان بەرى قابىلدانعان بۇيرىق بار. ول وزگەرمەدى جانە ءوز كۇشىن جويعان جوق. ارينە، مەكتەپ فورماسىن ساقتاۋ كەرەك. الايدا شىندىققا تىكە قاراپ، پروبلەمانى جاسىرماۋىمىز قاجەت. وسى ماسەلەگە قاتىستى بالالاردىڭ مەكتەپكە بارماي جۇرگەن فاكتىلەرى دە بار.
ءبىلىمنىڭ ينكليۋزيۆتى بولۋى وتە ماڭىزدى، ياعني وسى بالالارعا ءبىلىم بەرۋىمىز كەرەك. ول ونلاين فورماتتا دا بولۋى مۇمكىن. ءقازىر مەكتەپكە بارمايتىن بالالار نە ىستەپ جاتىر؟ مىسالى، ول بالالار «شەتەلدە وقيمىز» دەپ مەكتەپتەن قۇجاتتارىن الىپ كەتەدى. ءبىراق شىندىعىندا ولار قازاقستاننىڭ شەكاراسىنان سىرتقا شىعىپ، ەشقايدا بارمايدى. ەلىمىزدە ونلاين ءبىلىم بەرۋ بولماعاندىقتان، كورشى مەملەكەتتەردىڭ ونلاين-مەكتەپتەرىنەن ءبىلىم وقىپ جاتىر. ال كەيبىرى ءتىپتى مەكتەپكە بارۋدى مۇلدە قويعان. ال مۇندايعا جول بەرۋگە بولمايدى. بالالارىمىز مىندەتتى تۇردە ءبىلىم الۋى كەرەك»، - دەدى مينيستر ءماجىلىس وتىرىسىنان كەيىن ب ا ق وكىلدەرىنە بەرگەن سۇحباتىندا.