Skills Enbek-تە بارلىعى 355 مىڭ قازاقستاندىق تىركەلسە، ونىڭ 166،5 مىڭى – 2023 جىلى تىركەلدى.
2023 جىلى 145،5 مىڭ ازامات، ونىڭ ىشىندە 42 مىڭعا جۋىق جۇمىسسىز Skills Enbek (بۇدان ءارى – Skills Enbek) كاسىپتىك وقىتۋ پلاتفورماسىندا كۋرستاردان وتكەنى تۋرالى سەرتيفيكات الدى، دەپ حابارلايدى Almaty-akshamy.kz.
وقۋدان وتكەن 42 مىڭ جۇمىسسىز ازاماتتىڭ 14،4 مىڭعا جۋىعى – نەگىزىنەن اقتوبە، تۇركىستان، قىزىلوردا وبلىستارى مەن شىمكەنت قالاسىنىڭ جاستارى.
Skills Enbek ىسكە قوسىلعان ساتتەن باستاپ اۆتورلار ءارتۇرلى باعىتتار بويىنشا 294 كۋرس جاريالادى، ونىڭ 234ء-ى تەگىن. كۋرستاردىڭ ۇزاقتىعى 1-دەن 72 ساعاتقا دەيىن.
ەڭ تانىمال كۋرستار – «پتيسيەۆودستۆو. ۆىراششيۆانيە برويلەروۆ»، «ۆىراششيۆانيە ليمونا ۆ تەپليساح»، «جىلىجايدا كوكونىس ءوسىرۋ تەحنولوگياسى»، «كاسسير»، «پروفەسسيونالنىي كۋرس ينديۆيدۋالنوگو پوموششنيكا دليا سوپروۆوجدەنيا ليس س ترۋدنوستيامي ۆ پەرەدۆيجەنيي».
قوسىمشا مۇمكىندىكتەر بەرۋ جانە قولجەتىمدى كۋرستار بازاسىن كەڭەيتۋ ماقساتىندا Skills Enbek-تە 2023 جىلى: Fluent Education حالىقارالىق ءبىلىم بەرۋ پلاتفورماسىمەن، نازاربايەۆ ۋنيۆەرسيتەتىنىڭ الەۋمەتتىك دامۋ قورىمەن، ياندەكس قازاقستان، قازاقستان اۋدارما اكادەمياسىمەن، «قازاقستاندىق قوعامدىق دامۋ ينستيتۋتى» كەاق-مەن، «TestIT» IT مەكتەبىمەن جانە ت. ب. ىنتىماقتاستىق تۋرالى ءبىرقاتار مەموراندۋمدارعا قول قويىلدى.
ق ر الەۋمەتتىك كودەكسىن ىسكە اسىرۋ شەڭبەرىندە Skills Enbek-تە مۇگەدەكتىگى بار، ءجۇرىپ-تۇرۋى قيىن ادامداردى، سونداي-اق ناشار كورەتىن ازاماتتاردى سۇيەمەلدەۋدى جۇزەگە اسىراتىن جەكە كومەكشىلەر ءۇشىن كۋرستار قولجەتىمدى ەكەنىن اتاپ وتكەن ءجون. مەملەكەتتىك جانە ورىس تىلدەرىندە وقۋدان ءوتۋ تولىعىمەن تەگىن. كۋرستىڭ ۇزاقتىعى – 32 ساعات. كۋرستان ءوتۋ ءۇشىن 5،4 مىڭ ادام تىركەلدى، ونىڭ ىشىندە 4،3 مىڭ ادام وقۋدى ءساتتى اياقتاپ، سەرتيفيكات الدى.
Skills Enbek-تەگى «باستاۋ بيزنەس» جوباسى اياسىندا ءوز ءىسىن اشۋعا شەشىم قابىلداعان ازاماتتارعا كاسىپكەرلىك نەگىزدەرىنە وقىتۋ مۇمكىندىگى بەرىلەدى. 2023 جىلى 100،2 مىڭ ادام وقۋدى اياقتاپ، سەرتيفيكاتتارىن الدى، ونىڭ ىشىندە 48،5 مىڭى (48،4%) جاستار.
سونداي-اق، Skills Enbek-تە «كۇمىس جاس» جوباسى اياسىندا 50 جاستان اسقان ازاماتتار جۇمىسقا ورنالاسۋ ءۇشىن جاڭا داعدىلاردى تەگىن وقي الادى. «كۇمىس جاس» بولىمىندە 130-دان استام كۋرستار قولجەتىمدى بولادى، اتاپ ايتقاندا: اۋىل شارۋاشىلىعى، قارجى، ءبىلىم بەرۋ، الەۋمەتتىك قىزمەت كورسەتۋ، ماركەتينگ جانە تۋريزم، اقپاراتتىق تەحنولوگيالار، ەنەرگەتيكا باعىتى.
2023 جىلى پلاتفورمادا جوبانىڭ 5،4 مىڭنان استام قاتىسۋشىسى تىركەلدى، ونىڭ ىشىندە 3،9 مىڭ ادام وقۋدان ءوتىپ، سەرتيفيكات الدى.
بۇدان باسقا، وتكەن جىلى پورتالدا جەكە قىزمەتتەر مەن سەرۆيس، ءوندىرىس، قۇرىلىس جانە تكش، تۇرۋ جانە تاماقتانۋ سالالارىنداعى كۋرستاردىڭ تىزبەسى، سونداي-اق «يكەمدى» داعدىلاردى نەمەسە smart skills دامىتۋ (Agile قاعيداتتارى بويىنشا جوبالاردى باسقارۋ، تايم-مەنەدجمەنت، كوماندادا جۇمىستى ۇيىمداستىرۋ جانە ت. ب.) بويىنشا كۋرستار كەڭەيتىلدى. ازىرلەنگەن كۋرستار ازاماتتارعا تەگىن وقۋ ءۇشىن بەرىلەدى جانە مانساپتى دامىتۋ، سونداي-اق ەڭبەك نارىعىندا باسەكەگە قابىلەتتىلىكتى ارتتىرۋ ماقساتىندا ءوز داعدىلارىن جەتىلدىرۋگە ۇمتىلاتىن جاڭادان باستاۋشىلار ءۇشىن دە، تاجىريبەلى ماماندار ءۇشىن دە پايدالى بولۋى مۇمكىن.
جالپى، ونلاين-وقىتۋدى دامىتۋ ازاماتتار اراسىندا ادامي كاپيتال ساپاسى مەن سيفرلىق ساۋاتتىلىق دەڭگەيىن ارتتىرۋعا ىقپال ەتەدى.
Skills.enbek.kz-تە تىركەلۋ جانە پلاتفورمادا جۇمىس ىستەۋگە قاتىستى بارلىق سۇراق بويىنشا «ەردو» اق جاۋاپتى قىزمەتكەرلەرىمەن بايلانىسۋدى سۇرايمىز: 8 (7172) 95 43 17 (ىشكى. 877، 878، 888).